Troitiño aske gera liteke, Parot doktrinaren ebazpena irmoa izan arte

Giza Eskubideen Europako Auzitegiak Parot Doktrinari buruzko epai irmoa eman arte, Antton Troitiño ETAko kideari behin-behineko askatasuna ematea proposatu dio Erresuma Batuko Fiskaltzak Auzitegi Nazionalari.

Horrela adierazi dute epaitegietako iturriek Troitiñoren estradizioa erabakitzeko bista baino egun bat lehenago. Troitiño ekainaren 29an atxilotu zuten, Londresen, Ignacio Lerin Sanchez ETAko ustezko kidearekin batera.

Britiania Handiko Ministerio Publikoak Troitiñoren kontrako euroaginduak Parot doktrinarekin zerikusirik ote duen galdetu dio Auzitegi Nazionalari. Izan ere, Europako Giza Eskubideen Auzitegiak eman berri duen ebazpenaren arabera, doktrina hori "irregularra" da.

Gainera, Espainiako agintariek gai honen aurrean izango dute jarrera eta euroaginduaren aurkako helegitea aurkeztuko duten jakin nahi izan du.