Albiste izango dira: Inbestidura Gernikako Juntetxean, Puigdemonten immunitatea eta ETBko udako programazioa

Honako gai hauek hartuko dituzte gaur, uztailak 5, hedabideetako lerroburu nagusiak:

- Inbestidura saioa Gernikako Juntetxean: Elixabete Etxanobe jeltzalea Bizkaiko ahaldun nagusi izendatuko dute gaur, EAJren eta PSE-EEren babesarekin. Unai Rementeria jeltzalea ordezkatuko du, zortzi urtez ahaldun nagusi izan ondoren. Inbestidura saioa 09:30ean hasiko da Gernikako Juntetxean.

- Puigdemonten immunitatea: Europako Justiziak gaur erabakiko du Puigdemont, Comin eta Ponsatiren immunitateari buruz. Erabakiaren kontrako helegitea jarri ahalko da, eta, beraz, baliteke horren ondorioak behin betikoak ez izatea.

- ETBko udako programazioa: ETBk udako saio berriak aurkeztuko ditu, 11:00etan, Donostian. Bertan izango dira Unai Iparragirre, Julen Telleria, Miren Nogales, Julen Axpe, Ander Gonzalez, Gabriela Uriarte, Iker Lauroba, Lide Hernando, Klara Mendizabal, Javi Sierra, Ilaski Serrano eta Agustin Ezenarro, besteak beste.