Andoni Unzalu politikari eta EITBko kolaboratzailea hil da

Andoni Unzalu Garaigordobil PSEko kide ezaguna hil da gaur, ekainak 25, denbora luzez gaixo egon eta gero.

67 urteko abadiñarra Patxi Lopez lehendakariaren oso gertukoa izan zen eta aholkulari ere izan zuen karguan lehendakari zen urteetan. Hain zuzen ere, Lehendakaritzako idazkari nagusi izan zen Unzalu Patxi Lopezen Gobernuan.

Eusko Jaurlaritzako Herritarren Partaidetzako eta Dokumentazioko idazkari nagusi ere izan zen eta pasa den urrian Mario Onaindia saria jaso zuen Zarautzen.

Bere garaian EAJren inguruan ibili bazen ere, Ibarretxe lehendakariaren garaian, alderdi jeltzaletik urrundu eta Joseba Arregi Kultura sailburu ohiak sortutako Aldaketa kolektibora lotu zen, abertzaletasunari alternatiba bilatu behar zitzaiola aldarrikatuz. Geroago, PSErekin legebiltzarkide izan zen eta handik egin zuen jauzi lehendakaritzara.

Intelektual, idazle eta euskaltzalea, Euskadi Irratian, Radio Euskadin zein ETB1 eta ETB2ko tertulia politikoetan parte hartu zuen maiztasunez. Abertzaletasunarekin oso kritikoa izan zen, independentzia nahien kontrakoa eta EAJrekin zein ezker abertzalearekin oso gogorra. ETA sutsuki gaitzetsi eta ETAko biktimen aldarrikapen ozena egin zuen beti.

2018an "Ideas O Creencias: Conversaciones Con Un Nacionalista" idatzi zuen eta 2019an "Momentos Estelares De La Historia Del Socialismo".

Rodolfo Aresen heriotza zela eta, Euskadi Irratian eman zuen EITBn bere azken elkarrizketa.

Sare sozialetan zabaldutako mezu batean, Patxi Lopezek "lagun handitzat" jo du Unzalu, eta azpimarratu du "aldaketaren gobernuaren kolaboratzaile ordezkaezina" izan zela, baita "ezinbesteko erreferentea bere burua birpentsatzera behartutako ezker sozialista batentzat" ere.

Ha muerto mi gran amigo @AndoniUnzalu
Colaborador insustituible del gobierno del cambio; referente imprescindible para una izquierda obligada a repensarse; socialista de profundas convicciones; intelectual accesible y divulgador; maestro de las ideas y polemista infatigable.… pic.twitter.com/sGBop6PP25

— patxilopez (@patxilopez) June 25, 2023

Eneko Andueza PSE-EEko idazkari nagusiak "pena handiz" hartu du Unzaluren heriotzaren albistea, EITBri azaldu dionez, "alderdian eta pertsonalki oso pertsona gertukoa izan da" eta "intelektualki hainbeste eman duen jendea hiltzeak" ematen duen tristura nabarmendu du.

Unzaluk ideologikoki egindako eboluzioa azpimarratu du Anduezak eta "une gogorretan hor egon" izana. Halaber, "askatasunaren alde hainbeste" egin izana aitortu dio, eta gaineratu du estimatzekoa dela "herri honi egin dion ekarpena".

Biktimen elkarteetatik ere doluminak agertu dituzte:

Nos ha dejado Andoni Unzalu. Fue un gran referente en la defensa de las libertades y la democracia frente a la violencia terrorista y el nacionalismo excluyente.

Desde la @Fundacion_Buesa queremos hacer llegar a su familia y amigos todo nuestro cariño y cercanía. pic.twitter.com/YSOMJaBKkX

— Fundación Fernando Buesa Blanco (@Fundacion_Buesa) June 25, 2023

“Ahora resulta que todos han apoyado siempre a las víctimas. No debemos caer en esa trampa. Las víctimas están ahí y hay que reconocer lo que sufrieron. En ningún caso ejercieron la violencia. Fue una de sus grandes aportaciones”.

ANDONI UNZALU siempre en nuestra memoria. pic.twitter.com/hR9nsLF7x7

— Centro Memorial VT (@MemorialVT) June 25, 2023