Politika
U23KO HAUTESKUNDEAK
Garzonek uko egin dio hauteskundeetara aurkezteari; Sumar proiektuan lan egingo du, Diaz presidente izan dadin
Agentziak | EITB Media
Kontsumo ministro eta Izquierda Unida alderdiko buruak politikaren lehen lerroa uzteko bere erabakiaren berri eman du. Zehaztu duenez, alderdiko koordinatzaile izaten jarraituko du, eta ministro gisa amaituko du zikloa.
-
Alberto Garzon, artxiboko irudi batean. Argazkia: EFE
Alberto Garzon Kontsumo ministro eta Izquierda Unida (IU) alderdiko buruak ostiral honetan iragarri duenez, ez da uztailaren 23ko hauteskunde orokorretara aurkeztuko, eta Yolanda Diazen Sumar alderdian lanean jarraituko duela adierazi du, herrialdeko lehen emakumezko presidentea izan dadin.
Komunikatu baten bidez jakinarazi duenez, Garzonek politikaren lehen lerroa uzteko erabakia hartu du, "asko hausnartutako erabakia", baina IUko koordinatzaile izaten jarraituko du, eta ministro gisa amaituko du zikloa.
"Lanean jarraituko dut, Sumar mugimenduan, Yolanda Diaz herrialdeko presidente egiteko", gaineratu du. Era berean, eskerrak eman dizkie lehen lerroan eman dituen hamabi urteetan lagun izan dituen pertsonei.
