Albiste izango dira: 'Bai bakarrik da bai' legea, Zaldibarko zabortegiaren auzia eta etxebizitza legea

Honako gai hauek hartuko dituzte gaur, apirilak 20, hedabideetako lerroburu nagusiak:

- 'Bai bakarrik da bai' legearen erreforma: Okerrik ezean, PSOEk bultzatutako 'bai bakarrik da bai' legearen erreforma aurrera aterako da gaur PP, EAJ, Ciudadanos (Cs) eta Junts per Catalunya (Junts) taldeen aldeko botoekin. Bozketa 12:00etan izango da, Diputatuen Kongresuan. Behe Ganberako eztabaida 09:00etan hasiko da.

- Zaldibarko zabortegiaren auzia: Zaldibarko zabortegiaren auzian zuhurtziagabekeriaz prebarikatzea egotzita ikertutako Eusko Jaurlaritzako Ingurumeneko hiru teknikarik deklaratuko dute gaur Durangoko epaitegi batean.

- Etxebizitza legea: Iragan astean negoziazioa desblokeatu ostean, etxebizitza legearen proiektua onartuko dute gaur Diputatuen Kongresuko Garraio, Mugikortasun eta Hiri Agenda Batzordean. PSOEk, Unidas Podemosek, ERCk eta EH Bilduk 41 zuzenketa aurkeztu dituzte.