Jaurlaritzak barkamena eskatu du Azpiazuren ETAri eta euskal ekonomiari buruzko adierazpen polemikoengatik

Pedro Azpiazu Ekonomia sailburuak aste honetan egindako adierazpenek hautsak harrotu zituzten; izan ere, haren aburuz, ETAren jardunak ez zuen "aparteko eraginik" izan euskal ekonomian, eta "drama pertsonala izan zen, ekonomikoa baino gehiago". Orain, Alderdi Popularrak eta Covite biktimen elkarteak gaitzetsi egin dituzte adierazpenok, eta Eusko Jaurlaritzak barkamena eskatu du.

Polemika baretu asmoz, Jaurlaritzak argitu nahi izan du Pedro Azpiazuk ez zuela ETAren eragina murriztu nahi izan, eta barkamena eskatu du.

Azpiazu berak, bestalde, ostiralean ñabartu nahi izan zuen terrorismoa "elementu negatiboa" izan zela, "argi eta garbi", baina euskal ekonomiak "erresilientzia erakutsi" zuela horren aurrean. Gaur, berriz, bere egin ditu Zupiriaren hitzak, Twitterren adierazi duenez.

¿¿Hago mías las declaraciones del portavoz del Gobierno Vasco, Bingen Zupiria:

¿El sailburu Pedro Azpiazu está desazonado por la descontextualización de sus palabras.

— Pedro Azpiazu (@PedroAzpiazu) March 25, 2023

Iñigo Urkullu lehendakariak ukatu egin du Azpiazuk terrorismoak euskal ekonomian duen eragina "murriztu" izana, eta berretsi egin du bere gobernuaren konpromisoa eta "gizon eta emakume enpresariek, goi-zuzendariek, exekutiboek eta profesional sozio-ekonomikoek pairatutako sufrimenduaren" aitortza.

Kritikak, sektore desberdinetatik

Denis Itxaso Espainiako Gobernuak EAEn duen ordezkariak gogor kritikatu ditu Azpiazuren adierazpenak, eta bere "memoria hauskorra" aurpegiratu dio.

¿Perdón?

¿Y la extorsión, el impuesto revolucionario, los secuestros y asesinatos a empresarios, atentados contra trabajadores y representantes sindicales, organizaciones empresariales, eventos y festivales? ¿la práctica destrucción del tejido turístico?https://t.co/CNN90L2WxC

— Denis Itxaso (@DenisItxaso) March 24, 2023

Carlos Iturgaiz EAEko PPko presidenteak, bestalde, gogorarazi dio "ehunka enpresaburu" joan behar izan zirela Euskaditik ETAren mehatxuengatik eta estortsioagatik, eta "beste askori ez ziela maletak egiteko denborarik eman, etakideek garondoan tiro egin zietelako".

Centenares de empresarios tuvieron que coger las maletas y marcharse de Euskadi por amenazas, extorsión y el impuesto revolucionario de ETA. Y a muchos otros no les dio tiempo a hacer las maletas porque los etarras les dieron un tiro en la nuca. Azpiazu y PNV son el negacionismo. pic.twitter.com/r2eYNqvr9l

— Carlos Iturgaiz (@carlositurgaiz) March 25, 2023

Covite terrorismoaren biktimen elkarteak "faltsutzat eta lotsagabetzat" jo ditu sailburuaren adierazpenak, eta "zuzentzeko" eskatu dio.

Sr. @PedroAzpiazu, ETA extorsionó a más de 10.000 empresarios, perpetró casi 90 secuestros (muchos de ellos para financiarse) y asesinó a 53 empresarios.

Más de 100.000 personas tuvieron que irse de Euskadi.

Sus declaraciones son falsas e indecentes. Exigimos que rectifique. pic.twitter.com/3sZjoU371o

— COVITE (@CovitePV) March 25, 2023

Erreakzio kate horren ostean iritsi da Eusko Jaurlaritzaren barkamena, Bingen Zupiria sailburuaren ahotan.