Politika
usansoloren desanexioa
eitb media
Gaur bukatzen da epea, eta EAEko Justizia Auzitegi Nagusiak datorren hilabetean hartuko du erabakia.
Usansolo, Bediatik ikusita. Artxiboko argazkia: Imanol Aragon
Bizkaiko Foru Aldundiak eta Galdakaoko Udalak alegazioak aurkeztuko dizkiote Usansoloren desanexioaren prozesua geldiarazteko Estatuaren abokatuak aurkeztutako helegiteari. Gaur bukatzen da epea, eta EAEko Justizia Auzitegi Nagusiak datorren hilabetean hartuko du erabakia.
Estatuko Abokatutzak helegitea aurkeztu zuen abenduaren amaieran, Bizkaiko Batzar Nagusien erabakiaren aurka. Izan ere, desanexioak udalerri berriek gutxienez 5.000 biztanle izateko baldintza urratzen zuela uste izan zuen (Toki Araubidearen Oinarriak arautzen dituen Legearen 13.2 artikuluan ezartzen da baldintza hori).
Gaur egun, Usansolok 4.520 biztanle ditu, eta, beraz, ez da iristen Estatuko legeak ezarritako 5.000ra.
Bizkaiko Batzar Nagusiek iragan azaroan onartu zuten Galdakaoko Udalak Usansolo udalerri independente bihurtzeko egindako eskaera. Gauzak horrela, Bizkaiko 113. udalerri bihurtu zen orduan.
Aurreikuspenak beteta, testuaren alde egin zuten EAJk, EH Bilduk eta Elkarrekin Bizkaiak; PPk abstentziora jo zuen, eta PSE-EEk, aldiz, kontra bozkatu zuen.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa