Politika
Bilera
Erredakzioa
Robert Manriquek (ETAk Hipercorren egin zuen atentatuko biktimetako bat da) Rafael Caride ETAko presoarekin bildu da, Gasteizen, Zaballako espetxean.
Robert Manrique (ETAk Hipercorren egin zuen atentatuko biktimetako bat da) Rafael Caride Simon ETAko presoarekin bildu da, Gasteizen, Zaballako espetxean. "Elizaren barkamen kontzeptuan" sinesten ez duelako Caridek "barkamenik" eskatu ez diola azaldu dio Manriqueri, baina egindako "kaltea" onartu dio.
Espainiako Gobernuak biktimen eta ETAko presoen arteko bileren programako ekimenetako bat izan da bilera eta bi orduko iraupena izan du. Espetxeko zuzendariak bitartekari lanak egin ditu.
Manriquek azaldu duenez, Caride ziur dago ETAk ekintza armatuen behin betiko etetea iragarri ostean, atentaturik egingo ez duela eta ETAgandik aldendu nahi duten presoak badirela esan du, baina "beldurragatik" egiten ez dutela azaldu dio.
Gainera, Manriquek esan duenaren arabera, ezker abertzaleak "egindako kaltea onartzeko" beharra jakinarazi dio Caridek; izan ere, "duela gutxira arte indarkeria sustatu du" eta, orain, "erantzukizuna onartu behar du".
Hortaz, Caridek eta Hipercorreko atentatuko biktima horrek ETAko presoen artea dagoen banaketa sustatzeko beharra azpimarratu dute.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa