Politika
Kartzela-politika
Erredakzioa
Ezker abertzaleak eskatu bezala Espetxeetako Zuzendaritza Nagusiak gaixo dauden ETAko presoei tratu berezia eman behar dien ala ez galdetu diotenean egin ditu adierazpenok Villarrubiok.
Villarrubia PSOEren bozeramailea da Kongresuko Justizia Batzordean. Efe.
Gaixotasun larriak edo sendagaitzak dituzten presoek "tratamendu duina" jaso behar dutela "zalantzarik ez" duela esan du Julio Villarrubia Kongresuko Justizia Batzordeko PSOEren bozeramaileak. "Giza eskubideei lotutako gaia da eta legean agertzen da", gaineratu du.
Europa Press albiste agentziak egindako elkarraizketan, gaiaren inguruan galdetu diote, hau da, ezker abertzaleak esaten duen bezala, ETAko presoek tratu berezia jaso behar luketeen, ala ez.
"Zalantzarik ez daukat, abertzaleak izan ala ez, gaixotasunari aurre egiteko tratamendua behar dutenek tratamendu hori jaso behar dutela", esan du diputatu sozialistak.
Ez da "grazia-neurria"
Villarubiak argitu egin du tratamendua jasotzea ez dela "grazia-neurria", ezta "karitatea" ere, Espetxeetako Lege Orokorrean dagoen araua baizik.
'Parot doktrina'ri dagokionez, Konstituzionalaren epaiari errespetua azaldu dio eta gaiaren inguruan "doktrina eta irizpide bateratuak" izatearen garrantzia azpimarratu du.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa