Patxi Lopez, PSOEko Harreman Politikoetarako idazkari berri

Patxi LoPez euskal sozialisten liderra PSOEko Harreman Politikoetarako idazkari berria izango da Alfredo Perez Rubalcabak osatu duen Exekutiba Federal berriaren barnean. Kargu hau lehendakaritzak dakarren ardurarekin izango da bateragarria.

Larunbat arratsalde honetan horri buruz galdetu zioten eta Lopezek ez zuen baztertu PSOEren zuzendaritza berrian parte hartzea. "Alderdiarentzat ona dena aukeratuko dut, beti ere nere ardura nagusia, lehena eta ia ia esklusiboa baztertu gabe, lehendakari izatea, alegia", esan zuen.

Exekutiba berriaren osaketa

Lurralde-baroiekin bildu da goizalde honetan PSOEko idazkari nagusi berri Exekutiba berria osatuko dutenen izenak zehazteko. Jose Antonio Griñan PSOEko presidente berriak haren hautagaitza babestu ez arren, PSOEko zuzendaritzaren ardura eman dio Rubalcabak. Horrela, Griñan Andaluziako Exekutiboaren arduraduna PSOEko presidente berria izango da eta Elena Valenciano, idazkariorde nagusia. Halaber, Oscar Lopez Antolamendu idazkari izendatu du.

Hona hemen PSOEko Exekutiba Federal berria osatuko dutenen izen-abizenak:

· Presidentea: Jose Antonio Griñan
· Idazkari nagusia: Alfredo Perez Rubalcaba
· Idazkariorde nagusia: Elena Valenciano
· Antolamendu idazkaria: Oscar Lopez
· Harreman Politikoetarako idazkaria: Patxi Lopez
· Berdintasunerako idazkaria: Purificación Causapie
· Ekonomia eta enplegurako idazkaria: Inmaculada Rodriguez Piñero
· Erakunde-Harremanetarako eta Autonomia Politikarako idazkaria: Antonio Hernando
· Partaidetza, Sareak eta Berrikuntzarako idazkaria: Maria Gonzalez Veracruz
· Hirien eta Udal Politikarako idazkaria: Gaspar Zarrias
· Ideia eta Egitarauetarako idazkaria: Jesus Caldera
· Politika sozialerako idazkaria: Trinidad Jimenez
· Hezkuntza eta Kulturarako idazkaria: Maria del Mar Villafranca
· Lurralde Antolakuntzarako idazkaria: Hugo Moran