Patxi Lopez berekin nahi duela baieztatu du Rubalcabak

Alfredo Perez Rubalcaba PSOEren idazkari nagusi izateko hautagaiak esan du Patxi Lopez lehendakaria berekin nahi duela idazkari nagusi izendatzen badute, eta beregatik izango balitz lehendakaria "dena" izango dela esan du. Hala ere, oraindik ez omen du pentsatu alderdiko bigarren buruzagirako nahi ote duen.

El Mundo egunkariak gaur argitaratu duen informazioa baieztatu du horrela Antena 3n egin dioten elkarrizketa batean. PSOEk asteburuan Sevillan egingo duen kongresu federalean Rubalcaba idazkari nagusi izendatzen badute lehendakaria alderdiko bigarren buruzagi nagusia izango dela aipatzen zuen informazio horrek.

"Bere esku dago etorkizunean zer egingo duen, orain lehendakari da, eta oso garrantzitsua da hori, baina niregatik izango balitz dena izango litzateke", gaineratu du.