Eusko Jaurlaritzak poliziaren biktimak omenduko ditu gaur

EITB Media

Balorazio Batzordearen lehen txostenean biktima estatusa onartu zaien 30 pertsonek hartuko dute parte ekitaldian.

Orria entzun Orria entzun

1:1

Whatsapp
Whatsapp
twitt
Bidali
Esteka kopiatu

Albisteak (1)

Poliziaren biktimak oroitzeko urtero ekitaldi bat egitea proposatu dute

Bideoak (1)

Polizia abusuen biktimek onarpen ekitaldi instituzionala izango dute bihar Bilbon

Torturaren Biktimen Aldeko Nazioarteko Egunean, Eusko Jaurlaritzak poliziaren biktimak eta haien familiak omenduko ditu, larunbat honetan.

Bilbon izango da ekitaldia, eta Balorazio Batzordeak biktima moduan onartu dituen 30 pertsonek hartuko dute parte. Jaurlaritzak 1978 eta 1999 artean izandako poliziaren biktimen konponketarako sortu zuen batzordea.

Omenduen artean, Idoia Ayerbe eta Juan Ramon Arretxe egongo dira, zendutakoak biak. Baita Manolo Vizcay, ekitaldira bertaratuko dena. Felipe Agirre Gaztañaga, 1968an Aberri Egunaren propaganda egiteagatik torturatua; eta Ines Barayazarra Apraiz, 1972an poliziak hiru aldiz atxilotu eta eraso zuen emakumea, ere omenduko dituzte Bilbon.

Batzordean errekonozimendua emateko 1.017 eskaera jaso dituzte, eta 55 aztertu ostean, 35 ebatzi dituzte. Larunbatean Eusko Jaurlaritzak ekitaldi bat egingo du Bilbon biktimen senideei ebazpenak helarazteko.

Aztertutako 55 txostenetan (43 gizonezko eta 12 emakume) 11 heriotza eta tortura edo tratu txarren 36 kasu daude. Horietatik, 33 Guardia Zibilarenak eta 16 Espainiako Poliziarenak dira, eta biktimen artean 26k ez dute lotura politikorik, 9 ETAkoak ziren eta beste 3ri erakunde armatuari laguntzea leporatzen zieten.

Larunbatean, Jaurlaritzak perituen errekonozimendu irizpena emango die 30 biktimari edo haien senideei. Txostenean ageri diren beste bost biktimek ukatu egin dute gonbidapena.

Nombre de la Víctima	GERTAERA
Felipe Suárez Delgado	1976ko apirilaren 10ean, bala tiro bat jaso zuen Zarautz eta Zestoa arteko errepidean egiten ari ziren polizia kontrol batean. Bi egun geroago hil zen. 29 urte zituen, eta Leongoa zen jatorriz.
Juan Maria Zuloaga Balziskueta	Tratu txarrak eta tortura jasan zituen 1968an. 2010ean hil zen. Mª Carmen Uranga Echeverriaren senarra zen.
MªCarmen Uranga Echeverria	Familiak Uranga taberna zuen Zornotzan. 1970eko hamarkadan, mehatxuak eta atentatuak jasan zituzten: su-bonba bat jaurti zuten horren kontra, metrailetaz tirokatu zuten horren aurrealdea, kalteak egin zizkioten, eta abar. Horietako batean, 1976an, ama zauritu zuten.
Luis Fermín Orueta Alvarez	Hainbat aldiz atxilotu eta torturatu zuten 1973 eta 1976 artean. Eibarkoa zen, eta 18 urte zituen lehen aldiz atxilotu zutenean. Espainiako Alderdi Komunista Internazionaleko (PCEi) gazteen Espainiako Guardia Gorri Gaztea (JGRE) zelularen arduraduna zen garai hartan Valladolideko Unibertsitateko Filosofia Fakultatean.
Iñigo Moyua Careaga	1972ko maiatzaren 24an metrailatu zuten Guardia Zibilaren kontrol batean, eta hainbat mailatako zauriak egin zizkioten. 16 urte besterik ez zuen.
Ignacio O´Shea Artiñano	Tratu txarrak eta torturak jasan zituen 1975ean.
Miguel María Azpillaga Camio	Kalez jantzitako polizien tiroek zauritu zuten 1975eko abuztuaren 28an, manifestazio batean Alderdi Komunistaren eskuorriak banatzen ari zen bitartean. 2010eko urtarrilaren 19an hil zen.
Koldo Arriola Arriola	Guardia Zibilaren Ondarroako koartelean hil zen, su-arma baten tiroa hartuta, 1975eko maiatzaren 23an. 19 urte zituen.
Enrique Arzubiaga Ardeo	Tratu txarrak eta torturak jasan zituen 1969an.
Juan María Lestón Batiz	Tratu txarrak eta torturak jasan zituen 1970an.
MªJulia Sanz Lasanta	Tratu txarrak eta torturak jasan zituen 1975an.
Jose Gabriel Larrucea Echevarria	Tratu txarrak eta torturak jasan zituen 1975an.
Teresa Sanz Lasanta	Tratu txarrak eta mehatxuak jasan zituen 1975ean.
Jose María Madariaga Zugadi	Tratu txarrak eta torturak jasan zituen 1968an.
Mª Josefa Bilbao Bilbao	Tratu txarrak jasan zituen 1972an. Orain gutxi hil da.
Felipe Laraudogoitia Bilbao	1967an atxilotu zuten, Bakion, eta espetxeratu egin sartu. Tratu txarrak jasan zituen. 1999ko otsailaren 18an hil zen.
Laura Uriarte Bilbao	Tratu txarrak jasan zituen 1972an. Mª Joseba Bilbaoren alaba da. Elkarrekin atxilotu zituzten Bakion.
Juan Ormaza Renteria	Tratu txarrak jasan zituen 1972an.
Pedro Crucelegui Solozabal	Tratu txarrak eta torturak jasan zituen 1974an.
Miguel Antonio Elgezabal Bilbao	Tratu txarrak jasan zituen 1975ean.
Joseba Mentxakatorre Agirre	Tratu txarrak eta torturak jasan zituen 1976an.
Pilar Barayazarra Apraiz	Tratu txarrak jasan zituen 1975ean.
Felix Jauregizar Oraindi	Tratu txarrak jasan zituen 1972ean.
Inés Barayazarra Apraiz	Hiru aldiz atxilotu zuten eta tratu txarrak jasan zituen 1972an.
Belén Matabuena Garagorri	Tratu txarrak eta torturak jasan zituen 1973an.
Felipe Agirre Gaztañaga	1968ko apirilean atxilotu eta torturatu zuten, urte horretako apirilaren 14an Donostian modu klandestinoan egitekoak ziren Aberri Eguna dela eta, lagun batekin propaganda banatzen harrapatu ondoren. Iparraldean erbesteratu zen, eta 1977an itzuli zen.
Cayetano Otaegi	Gutxienez 10 aldiz atxilotu zuten 1794 eta 1981 artean, eta tratu txarrak jasan zituen hainbatetan. Inoiz ez zuten inongo deliturengatik epaitu.
Idoia Ayerbe Iribar	Torturak jasan zituen 1985ean, Mikel Zabalza, Ion Arreche eta Manolo Vizcayrekin batera. 2018ko abenduaren 4an hil zen, 56 urte zituela, gaixotasun luze baten ondorioz.
Juan Ramón Arreche Gutierrez	Tortura jasan zituen 1985ean, Mikel Zabalza, Idoia Aierbe eta Manolo Vizcayrekin batera. 2017ko martxoan hil zen, 52 urte zituela, arrazoi naturalen ondorioz.
Manuel Vizcay Zabalza	Tratu txarrak jasan zituen 1985ean, Mikel Zabalza, Idoia Aierbe eta Juan Ramon Arrecherekin batera.