Abokatuak dio Urdangarinek ez zuela gezurrik esan 500ekoen inguruan

Erredakzioa

Iturri batzuen arabera, Estatuak espedientea ireki zuen Noosen eta Aizoonen artean 147.800 euroko trukea egon zelako 500 euroko bileteetan, eta infantak eta dukeak bertsio kontrajarriak eman zituzten.

Orria entzun Orria entzun

Palmako dukeek bertsio kontrajarriak, 500 euroko billeteekin egindako transakzio bati buruz. Efe

Whatsapp
Whatsapp
twitt
Bidali
Esteka kopiatu

Albisteak (10)

Castro epaileak Iñaki Urdangarin inputatu du

Mario Pascual Vives Iñaki Urdangarinen abokatuak ukatu egin du Palmako Dukeak eta Cristina infantak Ogasunari iruzur egin nahi izan diotenik 500 euroko billeteekin egindako milaka euroko operazioekin. Hori adierazi dio behintzat abokatuak Europa Press albiste-agentziari.

El Pais egunkariak jakitera eman zuenez, Estatuko Zerga Iruzurraren Ikerketarako Bulego Nazionalak duela ia urtebete espedientea ireki zuen Noos Institutuaren eta Aizoon enpresaren artean 500 euroko billeteekin egin zen 147.800 euroko transakzio baten harira. Urdangarinen eta infantaren enpresa da azken hori eta Ogasunak 'Palma Arena auzia'ren instrukzio epaileari helarazi zion espedientea. Orduan, bi inplikatuek bertsio kontraesankorrak eman zituzten diru mugimenduaren inguruan.

"Palmako Dukeak ez eta emazteak ere ez. Ez dira saiatu eta ez dute egin", adierazi du abokatuak iruzur egiten saiatu ote ziren galdetu diotenean.

Aurreko astean abokatu batek salaketa jarri zuen Estatuaren Fiskaltza Nagusian ustez Aizoonen izenean egindako erosketa batzuen harira. "Infantaren portaera ez da desegokia izan", adierazi du Pascual Vivesek.

Iruzkinak