Frantziak Josu Esparza Ekineko ustezko kidea Espainiaren esku utzi du

Josu Esparza Ekineko ustezko kidea, Espainiako Auzitegi Nazionalak Esparzaren aurkako euroagindua egin zuenetik ezkutuan izan dena, Baionan atxilotu dute. Frantziako Poliziak Esparza Espainaren esku utzi du, Biriatouko polizia-etxean.

Espainiako Auzitegi Nazionalak Esparzaren aurkako euroagindu eskaera egin eta Pauek baiezkoa eman zuen azaroaren erdian.

Joan den larunbatean Esparzak Baionan 'Euskal Herriarentzat konponbide demokratikoa' aldarrikatzeko manifestazioan parte hartu zuen. Protestan 4.000 pertsona izan ziren antolatzaileen arabera, eta 3.000 Poliziaren arabera.

Bertan izan ziren, besteak beste, Martin Garitano Gipuzkoako ahaldun nagusia, eta Aurore Martin Batasuneko agintari ohia.