"Ea EH Bilduk alor etikoan pausoak ematen dituen beste lankidetza batzuk abiatzeko"

PSOEk eta Podemosek Irungo Udalean koalizio gobernua osatu berri dute eta lehen aldia da, hain zuzen ere, bi alderdi horiek Euskal Autonomia Erkidegoko (EAE) udalerri batean elkarrekin gobernatzen dutela. Akordioa zeresana ematen ari da eta Jose Antonio Santano Irungo alkateak bestelako interpretaziorik ez egiteko eskatu du Radio Euskadin egin dioten elkarrizketan. Irungo alkatearen hitzetan, PSE-EEren eta Podemosen akordioa udal mailako "aliantza" bat da.

Podemosekin ez ezik EH Bildurekin ere akordioak erdiesteko prest agertu da. EH Bilduk alor etikoan pausoak emango dituenaren itxaropena azaldu du Irungo alkateak, ondoren lankidetza akordioak bilatzeko. "Jarri dezagun azpimarra edukian, ez alderdian", gaineratu du. Ildo horretan, EH Bildurekin aurrekontuak adostu zituztela gogoratu du.

Gabonei begira, ahalegin bat egiteko eskatu du Santanok koronabirusaren hirugarren olatu bat saihesteko. Familiako bilerak saihestea galdegin du, "txertoa izkinaren bueltan" dagoela iritzita.

Jatorrizko informazioa Radio Euskadik landu eta eitb.eus-ek itzuli du.