Iturgaiz: "Euskadi, Pedro Sanchezen aginte kaotikotik EAJren agintaritzara pasa da"

Carlos Iturgaiz PP-Ciudadanos koalizioko lehendakarigaiak, alarma egoera luzatzeko EAJk eta Espainiako Gobernuak lortutako akordioari buruz hitz egin du: "Euskadi, Pedro Sanchezen aginte kaotikotik EAJren agintaritzara pasa da".

Sare sozialetan publikatu duen mezu baten bidez, Iturgaizek esan du, hezkuntzako sindikatuak, irakasleak eta ikasleak hezkuntza zentroak "zabaltzearen aurka" azaldu direla "segurtasun-planik ez dagoelako", eta, gaineratu du, osasun-langileek oraindik ez dutela babes-ekipo egokirik.

Ostalaritzari buruz ere hitz egin du, eta, adierazi du "gehienek ez dute zabaldu nahi" inposatutako baldintzak zeintzuk diren ikusita, eta hauxe ere gogoratu du: "Autonomoek eskatzen dituzten laguntzak ez dira iristen".