Iñaki Cabeses (NaBai):'Uxue Barkos ez da Kongresurako hautagai izango'

Iñaki Cabases (NaBai) Iruñeko Udaleko zinegotziak uste du, koalizioak azaroaren 20ko hauteskundeetarako "beste Uxue Barkos bat" bilatu beharko duela, "guztiak ordezkatzeko gai izango dena"; izan ere, NaBairen diputatuak hautagaitza ez errepikatzeko konpromisoari eutsiko diola eta Iruñeko Udalean NaBairen ordezkaritza zuzentzera mugatuko dela iritzi dio.

Radio Euskadin egindako elkarrizketa batean, Cabasesek esan du Aralar datozen hauteskundeetan NaBai koalizioaren baitan aurkeztuko dela. Koalizioa alderdien gainetik dagoela ere esan du, "Nafarroako errealitateak ahalegin eta estrategia berezia izatea suposatzen baitu".

Bestalde, ziur agertu da UPNk eta PSNk Nafarroako Gobernuan duten akordioa legegintzaldia amaitu arte mantenduko dutela, "UPNk beste alternatibarik ez duelako eta PSN iparra galduta dabilelako".