Politika
EAEko hauteskundeak
Agentziak | Erredakzioa
Elkarrekin Podemoseko legebiltzarkideak koalizioaren zerrendaburu izateko hautagaitza aurkeztu du.
Rosa Martinez eta Lander Martinez prentsaurrekoan. Argazkia: EFE
Rosa Martinez Elkarrekin Podemosek Eusko Legebiltzarrean duen koordinatzaile politikoak Podemos Euskadiren primarioetarako hautagaitza aurkeztu du, EAEko hauteskundeetarako zerrendaburu izateko. "EAE geldialditik eta konformismotik ateratzeko" hartu du bere gain erronka hori.
Rosa Martinezen hautagaitza Podemos Euskadiko zuzendaritzak proposatu du, baina oraindik alderdi horren oinarriek eta Elkarrekin Podemoseko koalizioko kideek (Ezker Batua eta Equo) berretsi behar dute.
Martinezek bere gain hartu du hauteskunde autonomikoetarako Elkarrekin Podemosen hautagaitzaren buru izateko erronka, "erantzukizunetik eta konpromisotik abiatuta".
Koalizio aurrerakoiaren koordinatzaile politikoak azaldu duenez, "pertsonek beren bizitza bermeekin proiektatu ahal izateko leku bat izatea" du helburu, eta EAE "gelditasunetik, konformismotik eta ideiarik eta ekintzarik ezaren inertziatik ateratzeko" lan egitea proposatu du horretarako.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa