EAJk gaur ekingo dio zuzendaritza berritzeko prozesuari

EAJko Euzkadi Buru Batzarrak (EBB) gaur erabakiko du, Iñigo Urkullurekin batera, alderdiaren oinarriei lehendakarigai izateko aurkeztuko dien proposamena; asteazkenean, berriz, Batzar Nazionalaren bilera batean jakinaraziko du bere proposamena, eta EBBko Lehendakaritzarako, Eusko Legebiltzarreko Lehendakaritzarako eta legebiltzarkideetarako hautagaiak izendatzeko prozesua irekiko da. Martxoaren 7an, EAJren Batzar Nazionalak behin betiko onartuko ditu hautagaitza horiek.

Iñigo Urkulluk errespetua eskatu du EAJk Eusko Legebiltzarrerako hauteskundeetarako zerrendak aukeratzeko abiatu duen prozesuarentzat. Urkulluk ez du baieztatu berriro lehendakari izateko hautagai izango den, baina EAJren eta euskal gizartearen zerbitzura dagoela azpimarratu du.

Andoni Ortuzar EBBko presidenteak ere ez du argitu karguan jarraitzeko asmorik ote duen, eta militanteen esku utzi du proposamena egitea. Halakorik gertatuz gero, ez du baztertu hirugarren agintaldi bati ekitea, bera "txandakatzearen aldekoa" bada ere.

EAJk uztailaren 11n eta 12an egingo dute alderdiaren VIII. Batzar Nagusia, eta bertan aukeratuko ditu EBBko presidentea eta zuzendaritza berria.

EAJk jada jakinarazi die Uri Erakundeei eta Euzkadiz kanpoko Erakundeei zein Aberri Batzarreko kideei Batzar Nagusirako prozesua abian dela, eta lehendakarigaia aukeratzeko barne-prozesua ere abiatu dela esan die.