Gasteizko egoitzan agertu diren pintada 'naziak' salatu ditu Etxeratek

Gasteizko egoitzan agertu diren pintada "naziak" salatu ditu Etxerat presoen senideen elkarteak igande honetan.

Twitter sare sozialean salatu duenez, Kutxa kaleko egoitzaren kristaletan hiru esbastika margotu dituzte erasotzaileek.

Bere lanari "boikota egiteko testuinguruan" kokatu du erasoa Etxeratek. "Bizikidetza eta konponbidearen bidean egindako lanari oztopoak jarri eta ondoeza zein ezinegona sortzeko helburuarekin egindako erasotzat hartzen dugu", adierazi du elkarteak.

Gasteizen dugun egoitzaren kanpoaldean goizaldean jasotako erasoaren salaketa publikoa egin nahi du

Bizikidetza eta konponbidearen bidean egindako lanari oztopoak jarri eta ondoeza zein ezinegona sortzeko helburuarekin egindako erasotzat hartzen duguhttps://t.co/PaNEHBkkA1 pic.twitter.com/Mmd4ux5hCb

— Etxerat Elkartea (@EtxeratElkartea) December 1, 2019