Iglesiasek Sanchezi egotzi dio errua, eta alderdi-aniztasuna onartzea eskatu du

Pablo Iglesias Podemoseko idazkari nagusiak esan du, astearte honetan, Pedro Sanchez PSOEko liderrak "izugarrizko akats historikoa" egin duela Espainian beste hauteskunde batzuk deituta; halaber, adierazi ere adierazi du beharrezkoa dela "dagoen presidenteak" onartzea "alderdi-aniztasuna".

Pedro Sánchez tenía el mandato de formar gobierno. No quiso. La arrogancia y el desprecio a las reglas básicas de una democracia parlamentaria se han impuesto sobre la sensatez. Seguiremos trabajando para que la política sirva para defender los derechos de la gente. #SíSePuede

— Pablo Iglesias (@Pablo_Iglesias_) September 17, 2019

Twitterreko bere kontuan argitaratutako mezu batzuetan (Europa Pressek jaso ditu), Iglesiasek aurpegiratu dio Sanchezi Gobernua osatzeko agindua bere egin ez izatea, eta deitoratu du "harrokeriak eta parlamentu-demokrazia baten oinarrizko arauak mespretxatzeak zentzua gainditu dute".

Pablo Echenique Podemoseko Gobernuaren Ekintzako idazkariak, halaber, esan du Twitterren Sanchezek baduela nahi zuen hori: "Hauteskundeak, azaroaren 10ean". Erantsi du, gainera, astearte honetan argi geratu dela "nor izango den presidenteordea azaroaren 11n" (hitz-erdika, Albert Riveraz hitz egiten ari zen).

Pedro Sánchez ya tiene lo que quería: elecciones el 10 de noviembre.

Y hoy hemos sabido quién sera su vicepresidente el 11 de noviembre si le dan los números.

Este era su plan desde el principio.

— ¿¿¿¿¿ ¿¿¿¿¿¿Q¿¿ ¿¿ (@pnique) September 17, 2019

PPko presidente Pablo Casadok, Felipe VI. Espainiako erregearekin bilera egin ostean, nabarmendu du azken hilabeteotako bere ondorioa dela Sanchezek inoiz ez duela nahi izan Gobernurik osatu, eta “antzeztu” duten "trikimailu" hau, alegia, azken egun eta orduotako kontaktuak eta bilerak, aldez aurretik pentsatutako plan baten barnean zeudela: "Hauteskundeetara bultzatzen bagaitu, espero dut doakoa ez izatea berarentzat", azpimarratu du.

El PP es sinónimo de desbloqueo, de diálogo y de confianza, como ha demostrado con los pactos autonómicos y municipales. Sánchez ha jugado con los españoles y espero que no le salga gratis por llevarnos a elecciones de nuevo. pic.twitter.com/YnYw4FQQP5

— Pablo Casado Blanco (@pablocasado_) September 17, 2019

Casadok zehaztu du Ciudadanosekin eta azken alderdi horretako lider Albert Riverarekin duen harremana "ez dela hondatu", eta berretsi du, kontuan izanik laster berriro ere izango direla hauteskundeak, "ondo legokeela España Suma koalizio batean lanean hastea": "Espainiako Gobernurako aukera bat ezin izan bada lotu, ondo legoke beste horretan lanean hastea, hauteskundeak irabazteko", esan du.

Pedro Sanchezen agerraldia hasi aurretik, Ciudadanoseko presidente Albert Riverak ohartarazi du jarduneko presidenteak aukera zuela "azken minutura arte" akordioa lortzeko; horretarako, berak jarritako baldintzak onartu egin beharko zituen.

"Gauean edo bihar deituz gero", esan du, "baldintza horiekin konpromisoa hartzeko, 24 orduetan gaude eskuragarri, herrialdea desblokeatzeko", aseguratu du.

EAJren eta EH Bilduren iritzia

Andoni Ortuzar EAJko presidenteak, bere aldetik, esan du ez dakiela "gaur gertatzerik ez duen zer gerta litekeen azaroaren 11n". Ortuzarren iritziz, negoziazioen porrota da "izugarrizko porrot politiko baten azken ekitaldia", eta azaroaren 10eko hauteskundeek, "egoera argitu baino gehiago, korapilatsuago jarriko dute". Bere iritziz, inbestidurarako negozioazioetan nahasitako eragile nagusien "heldutasunik eza demokratikoak", haiek "borondate politikorik ez izateak", eta "behar bezalako mailan egoteko gaitasunik ezak" ekarri dute porrot hau.

EH Bilduko Mertxe Aizpuruak esan du "abagune handia" galdu dela, eta "arduragabekeria historikoa" dela; izan ere, aukera ematen die eskuineko alderdiei balizko garaipen bat lortzea: "Herritarrak bezala, gogaituta gaude".

¿ «Es una gran oportunidad perdida. La repetición electoral nos parece una irresponsabilidad histórica, porque abre las puertas a una hipotética victoria de las derechas. Se corre un riesgo enorme. Compartimos con la ciudadanía el hastío». @MertxeAizpurua ¿¿ pic.twitter.com/eisGiL2len

— EH Bildu Congreso - Senado (@EHBilduCongreso) September 17, 2019