Sanchezek hauteskundeak saihesteko 'azken segundora arte’ lan egingo duela esan du
Pedro Sanchez Espainiako Gobernuko jarduneko presidenteak hauteskunderik ez duela nahi eta Gobernu "indartsu, batu eta koherentea" nahi duela esan du gaur. Gainera, legealdi egonkorra lortu nahi duela eta horretarako "azken segundora arte" lan egingo duela azpimarratu du.
Kongresuko osoko bilkuran alderdiei erantzuteko txandan azaldu duenez, "Gobernua osatzeko interes handiena nik neuk daukat", baina hori jarduneko Gobernuaren mende egon ezean, Kongresuko 350 diputaturen esku dagoela gaineratu du.
Horrenbestez, Sanchezek "blokeoa alde batera utzi" eta "Gobernu progresista bat" osatzen laguntzeko eskatu die "oposizioko alderdi nagusiei", Espainiak beharrezkoak dituen "eraldaketa nagusiei" adostasun zabalez ekiteko.
Sanchezek inbestidura lortzeko zailtasunen harira hitz egin du asteazken honetan. PSOEko buruzagia 'brexit'aren inguruan egindako azken goi-bileretan Espainiak izandako jarrera azaltzeko agerraldia egin du Kongresuko osoko bilkuran.
Agerraldi horretan, PP, Ciudadanos eta Unidas Podemos alderdiei norbere jarreren inguruan gogoeta egiteko eta Europari begira beren jarrera aldatzeko eskatu die. Izan ere, maiatzeko hauteskundeek ere "aritmetika konplexua" utzi zuten, baina emaitza horiek ez zuten agintaritza banatzea eragotzi.
Unidas Podemosen arabera, PSOE eta Podemosen talde negoziatzaileen arteko atzoko bileraren porrotak ez du zertan hauteskundeak aurreratzea ekarri behar, "oraindik akordioa lortzeko astia baitago".
Pablo Iglesias Podemoseko buruak koalizioa lortzeko akordioa adosteko laguntza eskaini dio berriro Sanchezi. Ildo horretan, Italiako eredua kopiatzeko eskatu dio PSOEko hautagaiari, Italian PD alderdiak M5S mugimenduarekin koalizio gobernua osatu baitu.
Albiste gehiago politika
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.