Josu Urrutikoetxea 'berehala libre uztea' eskatu du Sarek

agentziak | erredakzioa

ETAko buruzagi ohiarekin espetxean jokabide "krudela eta ankerra" dutela salatu, eta osasun arazoak "bermeekin eta duintasunez" arta diezazkiotela eskatu du.

Orria entzun Orria entzun

Josu Urrutikoetxea, atxilotu zutenean. Argazkia: EiTB

Whatsapp
Whatsapp
twitt
Bidali
Esteka kopiatu

Albisteak (4)

Urrutikoetxea estraditatzeko bigarren eskaera egingo du Espainiako Gobernuak

Sarek Josu Urrutikoetxea ETAren buruzagi historiko ohia "berehala libre uztea" eskatu du. Frantziako Estatuan dago preso, eta Sarek salatu du jokabide "krudela eta ankerra" dutela berarekin.

Urrutikoetxea maiatzaren 16an atxilotu zuten Sallanchesen (Frantzia), 17 urtez ihes eginda egon ostean, osasun zentro batera bidean zihoala, osasun arazoak baititu.

Horren harira, Etxerat euskal presoen senideen elkarteak duela egun batzuk egin zuen moduan, Sarek osasun arreta "duina" eskatu du Urrutikoetxearentzat.

"Modu krudelean eta ankerrean jokatzen dute berarekin. Gainera, medikuek ezarritako tratamendua eta ebakuntzak ukatu dizkiote", adierazi du Sarek. Era berean, erabaki horrek "bere bizitza arriskuan" jartzen duela ohartarazi du.