Roger Torrent Iñigo Urkullurekin elkartuko da gaur Gasteizen

Roger Torrent Kataluniako Parlamentuko presidentea Euskal Herrira egiten ari den bisita ofizialaren baitan, Iñigo Urkullu lehendakariarekin elkartuko da gaur, eta erreferendumari buruzko hitzaldia eskainiko du, Gure Eskuk gonbidatuta.

Bidaia ofiziala baliatuko du hainbat agintarirekin biltzeko.

Atzo, astelehena, Kataluniako Parlamentuko presidentea Arnaldo Otegi buru zuen EH Bilduko ordezkaritza batekin batzartu zen, koalizioak Bilbon duen egoitzan. Otegirekin batera, Maddalen Iriartek eta Pello Urizarrek ere parte hartu zuten bileran.

Bilera egin dugu, gaur arratsaldean, Euskal Herrira bisitara etorria den @rogertorrent Kataluniako Parlamenteko presidentearekin. Bi herri, amets bat eta helburu bat: gure Errepublikak eraikitzea pic.twitter.com/4gIwH7QBAt

— EH Bildu (@ehbildu) 3 de junio de 2019

Gaur, 12:00etan, Eusko Legebiltzarrera joango da, eta Bakartxo Tejeria presidenteak hartuko du bertan.

Arratsaldean, 16:00etan, Iñigo Urkullu lehendakariarekin bilduko da, Ajuria Enean. Ondoren, 19:30ean, Kataluniako egoera politikoari buruzko hitzaldia eskainiko du Europa Jauregian, "Ezinezko erreferendumetik erreferendum saihestezinera" izenburupean, Gure Eskuk gonbidatuta. Juan Jose Ibarretxe lehendakariak egingo du aurkezpena.

Euskal Herria eta Kataluniaren harremanak estutzen jarraitzen dugu, eskubide eta askatasunen defentsan eta geure herrien #burujabetza|ren bidean.

¿ @rogertorrent Gasteizen:https://t.co/NbiDxYatVz pic.twitter.com/bX93pUxpuZ

— Gure Esku (@Gure_Esku) 3 de junio de 2019

Bihar, ekainaren 5ean, Gernikako Juntetxea bisitatuko du Roger Torrentek, eta Ana Otadui Bizkaiko Batzar Nagusietako jarduneko presidenteak egingo dio harrera bertan.