Politika
Gernikako Estatutua
Agentziak | Erredakzioa
Asteazken honetan beste bilera bat egin dute Espainiako Gobernuaren eta Eusko Jaurlaritzaren ordezkariek, baina ez dute akordiorik itxi. Ostegunean batzartuko dira berriro.
Jaurlaritzaren eta Espainiako Gobernuaren arteko bilera bat. EiTBko bideo batetik ateratako irudia.
Lau eskumen gehiago transferitzeko Eusko Jaurlaritza eta Espainiako Gobernua egiten ari diren negoziazioan parte hartuko dute Iñigo Urkullu lehendakariak eta Josu Erkoreka Gobernantza Publikoa eta Autogobernua sailburuak, Europa Press agentziak jakinarazi duenez.
Ildo horretan, Erkorekak bertan behera utzi ditu arratsalde honetarako aurreikusita zituen ekitaldiak.
Bitariko Batzordearen bigarren bilera egin dute arratsalde honetan, eta Jaurlaritzak "urratsak" eman direla esan badu ere, ez dute akordioa itxi.
Ostegun honetan batzartuko dira berriro, "akordio batera ahalik eta azkarren heltzeko asmoz".
Ituna hauteskunde kanpaina ostiralean hasi baino lehen egin nahi dute bi gobernuek. Nahiz eta oraindik akordiorik ez izan, "aukera guztiek zabalik" jarraitzen dutela adierazi dute Jaurlaritzako iturriek.
Lan-erregulazioko espediente batek eragindako langileen erretiroa, farmazia produktuen legedia, eskola asegurua eta AP-68 autobideko tarte bat dira lau transferentzia berriak.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa