Altsasuko auziari buruzko eleberri bat idazteko asmoa du Bernardo Atxagak

AGENTZIAK | ERREDAKZIOA

Asteasuko idazlearen esanetan, Euskal Herrian edozeinek daki 2016ko urrian Altsasuko gertaturikoa tabernako liskarra izan zela eta terrorismo ekintza gisa hartu izana deitoratu du.

Orria entzun Orria entzun

Bernardo Atxaga, artxiboko argazki batean. EFE

Whatsapp
Whatsapp
twitt
Bidali
Esteka kopiatu

Albisteak (4)

Altsasuko gazteen senitartekoek iragan igandeko 'elkartasun olatua' eskertu dute
Fiskaltzak ez du Altsasu auzian helegiterik jarri, terrorismorik ez zegoela onartuta
60.000 pertsona bildu dira Altsasun, zortzi gazteri jarritako zigorrak salatzeko

Altsasu auziko epaiak 'bidegabeak' direla salatu dute gurasoek Bruselan

Bernardo Atxaga idazleak literaturara eraman nahi du Altsasuko auzia. Zehazki, eleberri bat idazteko asmoa du. Ebazpen judizialari lotuta, "oso nahigabetuta" dagoela adierazi du.

"Euskal Herrian edozeinek daki tabernako liskarra izan zela", esan du Madrilen, Soinujolearen semea filmaren aurkezpenean. Berak idatzitako Soinujolearen semea eleberrian oinarritutako filma da.

2016ko urrian Altsasun gertaturikoa terrorismo ekintza gisa hartu izana deitoratu du eta herriaren aurkako kanpaina ere kritikatu du. Ez hori bakarrik, beldurra ere ematen diola onartu du.

Hori dela eta, Altsasuko auziaz "ikusi" eta "entzun" duenaz fikzioa egin nahi omen du.