Lehendakariak Arzalluzek ‘nazio eta gizarte erakuntzan’ egindako lana goraipatu du

Xabier Arzalluz EAJko presidente ohiaren heriotzaren berri izan ostean, Iñigo Urkullu lehendakariak Twitter bidezko oharra argitaratu du.

Lehendakariak adierazi duenez, Arzalluz gidari bat izan da “trantsizio eta demokrazia garaian Euskadiren nazio eta gizarte erakuntzan”. Urkulluren hitzetan, “politikan maisua izan zen eta gure belaunaldiarentzako pertsona eta gidari eredugarria”.

Familiari eta ‘jeltzale guztiei’ doluminak emateaz gain, politikari ohiak alderdiaren “aitormen sakonena eta zintzoena” duela adierazi du lehendakariak.

¿ Agur eta ohore Xabier Arzalluz abertzale handiari. Dena eman zuen gure Herriaren alde eta gaur gure aitormen sakonena eta zintzoena jasotzen du. Goian bego! pic.twitter.com/0vtzzP4aCP

— Iñigo Urkullu (@iurkullu) 28 de febrero de 2019