Oier Gomez preso ohiaren azken agurra, debekatuta

Gasteizko Auzitegi batek debekatu egin du igande honetan Gasteizen Oier Gomez preso ohiari egin behar zioten azken agurra. Urtarrilaren 26an hil zen Gomez Baionako ospitale batean, minbiziagatik.

Udaletik jakitera eman dutenez, Estatuko Abokatuak eskatu du, antza, Gasteizko frontoi batean egitekoa zen ekitaldia debekatzeko, eta udaltzainek hala jakinarazi diete goizean deitzaileei.

Horiek ekitaldia bertan behera uztea erabaki dute, eta horren ordez, prentsaurrekoa deitu dute bihar 13:30erako, debekua salatzeko:

¿ Euskal Herriak Oier Gomezi egin nahi zion azken agurra debekatu dute.

Ez dute ulertu herri honengatik dena eman dutenen aldeko maitasuna ezin dela debekatu.

¿ igandean gazteok agerraldira. 13:30ean Gasteizko plaza berrian.

Agur eta ohore Oier!
¿ pic.twitter.com/FuPpkHd6nx

— Ernai (@ernaigazte) 2 de febrero de 2019

15 urteko kartzela-zigorra betetzen ari zen Gomez eta hiru euroagindu zituen irekita, 2017an libre utzi zutenean, oso larria zen minbizia bategatik. 35 urterekin hil zen duela astebete.

Gaur, hain zuzen ere, kontzentrazio eta manifestazioak egin dira Donostian, Galdakaon eta Gasteizen, Sarek deituta, espetxe politika aldatzeko eta larri gaixo diren presoak askatzeko eskatzeko.