Aurrekontuetan laguntzeko legea onartzeko 'babes nahikoa' lortzea espero du Urkulluk

2019ko aurrekontuetan laguntzeko legea onartzeko "babes nahikoa" lortzea espero du Iñigo Urkullu lehendakariak. Funtzionarioentzako eta Hezkuntzako profesionalentzako "neurri positiboak" abian jartzeko helburua du Jaurlaritzaren lege-proiektuak, baita diru-sarrerak bermatzeko errenta jasotzen dutenei laguntzeko ere.

Eusko Jaurlaritzak gaur onetsiko du 2019ko aurrekontuetan laguntzeko lege-proiektua.

"Administrazio publikorako, Hezkuntza eta Osasuneko profesionalen baldintzak hobetzeko eta kohesio soziala indartzeko helburu duen legea onartzeko babes nahikoa lortzea espero dugu", esan zuen atzo Urkulluk Ekian eguzki-energia fotovoltaikoaren parkearen aurkezpenean.

Ildo horretan, Josu Erkoreka Eusko Jaurlaritzako bozeramaileak oposizioaren onespena edo "behintzat, abstentzioa" espero duela adierazi zuen atzo Radio Euskadin.