Almeriatik Zuerara eraman dute Kepa Arronategi ETAko presoa

Kepa Arronategi ETAko presoa Almeriako espetxetik Zuerakora (Zaragoza) gerturatu dute gaur.

Etxerat euskal presoen senideen elkarteak Twitterren jakitera eman duenez, presoak 700 kilometro gerturatu dute, eta 1.000 kilometrora egon beharrean 300 kilometrora egongo da, Zaragozan.

Kepa Arronategi Azurmendi euskal preso politikoa Almeriako (1.000 km) espetxetik Zuerako (300 km) espetxera lekualdatu dute #diispertsioaSTOP https://t.co/KX0auIiq8a

— Etxerat Elkartea (@EtxeratElkartea) 21 de septiembre de 2018

Gernikako presoak gaixotasun larria du, eta Espetxe Zuzendaritzak gerturatzea erabaki duen bi presoetako bat da. Aurreko irailaren 13an Arronategi bera eta Marta Igarriz gerturatzea agindu zuen, bigarrena Logroñora.