Maria Jesus Montero, Pedro Sanchezen Gobernuko Ogasun ministroa

Maria Jesus Montero Andaluziako Batzarreko Ogasun eta Administrazio Publikoko kontseilaria izango da Pedro Sanchezen Gobernuko Ogasun ministro berria, Espainiako presidentearen gertuko iturriek jakitera eman dutenez.

Montero Sevillan jaio zen, 1996an, eta Medikuntzan lizentziatua da. Osasun kontseilaritzan izen zen 2004tik 2013ra bitartean, eta, horren ostean, Andaluziako PSOEko aurrekontu publikoez arduratu zen.

Ogasun ministro berria Andaluziako kontuak mantentzeko bastiloi handietako bat izan da; azken urteotan autonomia erkidegoak Andaluziako Aurrekontuen Egonkortasun legea bete du (defizit helburua, gastu erregela eta zorra).

Maria Jesus Montero independiente moduan sartu zen sozialisten Gobernuan, baina, geroago, PSOEren alderdikide egin zen. Bertan izan da bere ibilbide politiko osoan, eta Andaluziako Parlamentuko pertsona errespetatuenetariko bat izatera heldu da, Parlamentuan duen trebetasunari esker.

Andaluziako Parlamentuan oposizioko alderdietako Ekonomia bozeramaileek badakite Maria Jesus Monteroren aurka egitea zein gogorra den, izan ere, Susana Diazen Gobernuko oinarrizko piezatako bat da, eta politika ekonomikoaren zirrikituak ezagutzeagatik da ezagun, hainbat urte pasatu ostean ministerio horren buru izaten.

Diazen taldean zuen garrantziak Andaluziako Gobernuko buruaren balizko ordezko izateko aukeraz hitz egitea eragin zuen, hark PSOEko primarioak irabazi izan balizkio Pedro Sanchez Espainiako presidenteari. Aukera hori desagertu egin zen, Diazek alderdiko barne-hauteskundeak galdu zituenean.