Jaurlaritza: 'ETAren amaiera Terrorismoaren aurkako Itunetik kanpo azter daiteke'

Josu Erkoreka Eusko Jaurlaritzako bozeramailearen hitzetan, ETAren amaierarekin lotutako "gai asko eta asko" Terrorismoaren aurkako Itunetik kanpo "eztabaidatu eta ados" daitezke, eta Espainiako Gobernuak ere horrela ulertzea espero dutela erantsi du.

Gobernu bileraren ondotik eskainitako prentsaurrekoan, Erkorekak esan du alderdien ardura dela Itun horren bilera egotea ala ez erabakitzea (EAJk joango ez dela berretsi du): "Alderdiek zehaztu behar dute euren jarrera eta bilerara joatea beharrezkoa den edo ez".

Horren ildoan, adierazi du alderdiak "euren jarrera" azaltzen hasi direla, eta "bakoitza libre dela nahi duena egiteko".

Dena dela, ohartarazi du "ETAren indarkeriaren amaierarekin lotutako gai asko eta asko Terrorismoaren aurkako Itunetik kanpo eztabaidatu eta ados" daitezkeela. "Alderdiek, erakundeek, eta batez ere Espainiako Gobernuak ere horrela ulertzea espero dugu", erantsi du.

#PactoAntiterrorista Es un foro de partidos políticos, no de instituciones. Cada uno está fijando su postura de presencia o no, y lo respetamos. Lo que sí decimos es que el final de #ETA puede abordarse en este pero, también, en otros foros pic.twitter.com/h5rMDEQQbP

— Josu Erkoreka (@jerkoreka) 8 de mayo de 2018