Politika
Erabakitzeko eskubidea
Ibarretxe: 'Hau lehen pausoa besterik ez da'
Agentziak | Erredakzioa
Lehendakariak haren jaioterrian, Laudion, antolatutako galdeketan eman du botoa gaur goizean.
Albisteak (3)
Bideoak (1)
Juan Jose Ibarretxe lehendakariak Gure Esku Dagok erabakitzeko eskubidearen alde antolatutako galdeketan hartu du parte Laudion gaur goizean. Bizkaiko, Arabako eta Nafarroako beste 21 herritan ere izango dute bozkatzeko aukera.
Ibarretxe goizean goiz joan da botoa ematera, haren jaioterriko hautesleku batera. 16 urtetik gorako 15.895 biztanle daude bozkatzera deituta.
Guztira, Arabako, Bizkaiko eta Nafarroako 93.000 herritarrek bozkatu ahal izango dute gaur erabakitzeko eskubidearen alde.
"Muga bakarra Euskal Herriko herritarren borondatea izanik, etorkizuna libre eta demokratikoki erabakitzeko eskubidea izan nahi duten ala ez" erantzun beharko dute parte hartzaileek.
Ibarretxek ez du adierazpenik egin bozkatu ostean, baina Twitter bidez honako mezu hau argitaratu du:
Laudion bozkatu dut. Urratsez urrats, bai, baina etengabe. Aitarekin gogoratu naiz, beste pertsona askorekin ere... A ze poza!
— Juan Jose Ibarretxe (@LHKibarretxe) 6 de mayo de 2018
