Carles Puigdemonten atxiloketak eragindako erreakzioak

Elsa Artadi JxCat koalizioko bozeramaileak gaur ohartarazi duenez, "Espainiak ez dio bidezko epaiketa bermatuko" gaur eguerdian Alemanian atxilotutako Carles Puigdemont Generalitateko presidente ohiari, "mendekua eta errepresioa" baizik.

Twitter bidez argitaratutako mezu baten arabera, "minutuz minutu jarraitzen" ari da Puigdemonten egoera Alemanian, "hango lan taldearekin eta abokatuekin harremanetan".

Seguint al minut l'evolució del president @KRLS a Alemanya i en contacte permanent amb el seu equip allà i els seus advocats. El tracte rebut és bo. Espanya no garanteix un judici just; només revenja i repressió.
Per fer seguiment: la font oficial és @JaumeAlonsoCuev

— (((Elsa Artadi))) ¿ (@elsa_artadi) 25 de marzo de 2018

Quim Torrak (JxCat), bere aldetik, "Puigdemonten atxiloketa ez dela Alemaniaren gaia esan du Twitteren, "Europar Batasunak du ardura orain", azpimarratu du.

Alemaniako agintariekin eta Puigdemonten abokatuarekin harremanetan dagoela esan du Torrentek

Carles Puigdemonten abokatuarekin eta Alemaniako agintariekin harremanetan dagoela baieztatu du Roger Torrent Kataluniako Parlamentuko presidenteak. Horrez gain, eskubideak eta askatasuna defendatzeko "fronte bateratua" eraikitzeko beharra azpimarratu du.

Pendents de les notícies que arriben sobre la situació del president Puigdemont (@KRLS). Mantenim contacte amb la seva defensa i les autoritats alemanyes. És moment de construir un front comú per defensar els drets i les llibertats individuals i col·lectives.

— Roger Torrent ¿ (@rogertorrent) 25 de marzo de 2018

CUPek "errepresioa" salatu du eta Puigdemont aske uztea eskatu dio Alemaniari

Carles Riera CUPeko diputatuak "estatu espainiarraren errepresio antidemokratikoa" salatu du, Carles Puigdemont presidente ohia Alemanian atxilotu dutela jakin ostean. Halaber, "borondate demokratikoa" erakutsi dezan eskatu dio herrialde alemaniarrati, politikari kataluniarra askatuta.

"Estatu espainiarraren errepresioan eta antidemokrazian" ez erortzeko deia egin dio Alemaniari Rierak Molins de Rei (Bartzelona) herrian kazetariei egindako adierazpenetan.

Vilalta (ERC): "Ez du inolako zentzurik asmatutako delitu baten ondorioz estraditatzeak"

Marta Vilalta ERCko bozeramailea berriaren esanetan, "ez dauka zentzurik asmatutako delitu batzuen ondorioz estraditatzeak, jazarpen politikoa agerian" uzten delako.

Expectants davant la situació del President @KRLS Puigdemont a Alemanya. I treballant x una resposta coordinada, pacífica i àmplia en la línia del front comú pels drets civils i polítics. No té cap sentit una extradició per uns delictes inventats q evidencien persecució política

— MartaVilaltaTorres¿ (@martavilaltat) 25 de marzo de 2018

Iñigo Urkullu lehendakariak hausnarketa sakona eta lasaia eskatu du

Iñigo Urkulluk sare sozialen bidez eman du gertatukoaren inguruko iritzia. Azken hilabeteotan Kataluniari eta estatu espainiarrari buruzko gogoeta sakona eta lasaia egitea ez dela posible berretsi du.

Maddalen Iriartek (EH Bildu) babes osoa adierazi dio Puigdemonti

EH Bilduk Eusko Legebiltzarrean duen bozeramaileak, Maddalen Iriartek, babes osoa adierazi die Puigdemonti, gainerako kontseilariei eta Kataluniako herriari, bizi duten egoera salatuz, Twitter bidez:

Ordu zail hauetan, babes osoa @KRLS presidenteari, @catalan_gov eko gainerako kideei eta, batez ere, Kataluniako herri osoari. Eutsi! Askatasuna zain duzue!

Visca Catalunya!#FreeAllPoliticalPrisoners #PuigdemontPresident pic.twitter.com/sIjvSdIPCw

— Maddalen Iriarte (@MaddalenIriarte) 25 de marzo de 2018

Maillo (PP): "Ezin da betirako ihes eginda bizi"

"Ezin dela beti ihesean bizi" esan du Fernando Martinez-Maillo PPko koordinatzaile nagusiak Carles Puigdemonten atxiloketaren inguruan. Euroaginduaren ondorioa dela gaineratu du, Espainiaren Europako bazkideak "ebazpan judizialak logikaz betetzen" dituztelako.

Bestalde, Xavier Garcia Albiol PPk Katalunian duen buruzagiak baieztatu duenez, Puigdemonten atxiloketak "Espainia EBko herrialde bat dela berretsi du".

Lo acaba de comprobar @KRLS España es un país de la UE y el planeta tierra no es lo suficientemente grande para esconderse del Estado de derecho en una democracia. ¿ pic.twitter.com/76EP2jAhNF

— Xavier García Albiol (@Albiol_XG) 25 de marzo de 2018

Rivera, Puigdemonten atxiloketaz: "Amaitu da kolpistaren ihesa"

Albert Rivera Ciudadanos alderdiko presidenteak pozik agertu da Puigdemont atxilo hartu dutelako, Twitter bidez jakinarazitakoaren arabera: "Amaitu da kolpistaren ihesa".

Se acabó la fuga del golpista Puigdemont. Intentar destruir una democracia europea, saltarse las leyes democráticas, romper la convivencia o malversar dinero público para ello no puede gozar de impunidad, la Justicia hace su trabajo. https://t.co/18rvs40rbf

— Albert Rivera (@Albert_Rivera) 25 de marzo de 2018

Pedro Sanchez: "Inor ez dago legearen gainetik"

Pedro Sanchez PSOEko idazkari nagusiak "inor ez dagoela legearen gainetik" esan eta politika Konstituzioaren baitan dagoela azaldu du, eta hortik kanpora "ez dago ezer". Gainera, erabaki judizialak "errespetatzen" dituela argudiatu du, segurtasun indarrei babesa erakusteaz gain.

Vivimos en un Estado social y democrático de derecho en España y en Europa. Nadie está por encima de la ley. Respeto a las decisiones judiciales y respaldo a las fuerzas y cuerpos de seguridad. Dentro de la Constitución está la política, fuera nada.

— Pedro Sánchez (@sanchezcastejon) 25 de marzo de 2018

Iglesiasen aburuz, Kataluniako krisia ez da atxiloketen bidez konponduko

Kataluniako krisi politikoa "ez atxiloketekin, kartzelarekin eta politika epaitegietara eramanez" konponduko, esan du gaur Buenos Airesen Pablo Iglesias Podemos alderdiko idazkari nagusiak.