Alfredo Remirezen senideek istripua izan dute Zaragozako espetxetik itzultzean

EITB.EUs

Orain arte Basauriko kartzelan izan dute txiolari ezaguna (@erreharria), baina joan den astean Darocara (Zaragoza) urrundu zuten. Sakabanaketa salatzeko elkarretaratzea deitu dute gaurko Amurrion.

Orria entzun Orria entzun

Remirezen senitartekoen autoa, istripua izan ondoren. Argazkia: @ErreHarriaFree

Whatsapp
Whatsapp
twitt
Bidali
Esteka kopiatu

Albisteak (2)

Alfredo Remirez (@erreharria) presoaren senitartekoek istripua izan dute Amurrioko gaztea Darocako kartzelara (Zaragoza) bisitatzera joan ostean, @ErreHarriaLibre Twitter kontutik jakinarazi dutenez.

Iturrion arabera, presoaren senideak onik daude. Istripua sakabanaketaren ondorio dela salatu dute.

Izan ere, amurrioarra kartzelatu zutenetik, 2017ko azarotik, Basauriko espetxean (Bizkaia) egon da. Joan den astean, baina, Euskal Herritik 400 kilometrora dagoen Darocako kartzelara (Zaragoza) urrundu dute.

[ADI¿] Alfredo dispertsatu eta lehenengo bidaian bere senideek ISTRIPUA izan dute. Ondo daude guztiak, baina hau da dispertsio mendeku politikaren errealitatea, hau da dispertsioarein lortu nahi duten argazkia, eta lortu dute. Nahikoa da! ADI MOBILIZAZIOEI! pic.twitter.com/SpZowaipEx
— #allFREEdom (@ErreHarriaLIBRE) 25 de febrero de 2018

Sakabanaketa salatzeko elkarretaratzea deitu dute astelehen honetan Amurrion (Araba), 19:00etan herriko plazan.

Remirezi urtebeteko kartzela zigorra ezarri zion Auzitegi Nazionalak terrorismoa goraipatzea egotzita. Amurrioko jaien txupinazoan sakabanaketa salatzeko Twitterren protesta egiteagatik zigortu zuten.