Parlament aurreko kanpaldia bertan behera utzi dute manifestariek

Parlament aurrean, Bartzelonako Ciutadella parkean kanpaldia egiten ari ziren pertsonak tokia utzi eta kanpadendak altxatzea erabaki dute 22:30 aldera, batzarrean bozkatu ondoren.

Manifestarien iturriek jakitera eman dutenez, arratsaldeko azken orduan egin dute bozketa. Erabakiaren aldeko 61 eta aurkako 59 boto izan dira. Horrela, protesta amaitutzat jo dute.

¿ A causa de la brutalitat policial i les detencions de dos persones s'ha decidit assembleàriament sortir juntes per la sortida de l'Estació de França i desconvocar l'acampada.

— #ElPoderDelPoble (@CDRCatOficial) January 30, 2018

"Parlamentera orain etortzera animatu nahi zaituztegu. Bertan lo egiteko arropa eta beharrezko guztia eraman. Zuk eta zure adiskideak kanpatzeko materiala eraman. Hemen argibide gehiago emango ditugu", iragarri dute Twitter sare sozialean.

"Atzera ez egiteko erabaki apala hartu dugu", azaldu dute: "Batzarturik eta modu baketsuan Parlamentean gaua igarotzeko erabakia hartu da, inbestidura deitu arte. Aurrera jarraitzen dugu".

Ciutadellako parkean 600 pertsona baino gehiago bildu dira, zenbait komunikabidek jakitera eman dutenez. Manifestariak arratsaldeko lehen orduan sartu dira bertara, Esquadra Mossoen hesia gainditu eta zenbait ateren kandaduak apurtu ondoren.

Milaka lagun elkartu dira Parlamentuaren atarian

Milaka lagun bildu dira 15:00etan Kataluniako Parlamentuaren atarian. Ordu horretarako zegoen deituta Carles Puigdemonten inbestidura saioa, eta ganberako bilkura zuzenean jarraitzeko eta presidentegaiari babesa adierazteko deitu du ANCk elkarretaratzea. Azkenean, Auzitegi Konstituzionalak larunbatean ebatzitakoaren ondotik, Roger Torrent Kataluniako Parlamentuko presidenteak saioa atzeratzea erabaki du, Puigdemonten eskubideak bermatuta ez daudela argudiatuta.

ANC elkartea, oztopoak oztopo, saioa gaur egitearen alde agertu da hasieratik, eta elkarretaratzea bere horretan mantentzea erabaki du.

¿ Al passeig Lluís Companys tornem a demostrar que som un poble compromès amb la llibertat. Malgrat la violència de l'estat, ni un pas enrere! #oRepúblicaoRepública pic.twitter.com/VlzOmMNLNf

— Assemblea Nacional (@assemblea) 30 de enero de 2018

Sant Jaume plazan elkartu dira milaka herritar, eta handik Parlamentuaren egoitzaraino joan dira. 'Preso politikoen' askatasunaren eta Puigdemonten aldeko oihuak entzun dira behin eta berriz. Estelada eskuan eta Puigdemonten irudia zuen maskararekin aurpegia estalita joan dira bilkurara herritar asko eta asko.

Segurtasun hesia gainditu dute

Esquadra Mossoek jakitera eman dutenez, Parlamentuaren inguruan, Ciutadella parkean, poliziak jarritako segurtasun hesia hautsi egin dute hainbat manifestarik 16:15 inguruan, ganberaren ateraino iristeko. Tropelean, agenteei bultza eginez, Parlamentuaren ateraino iristea lortu dute, eta bertan geratu dira.Tentsio uneak bai, baina ez da aparteko liskarrik izan, eta modu baketsuan ari dira protesta egiten.

Ordubete beranduago, agenteek berriro ezarri dute hesia, eta milaka lagun daude hesiaren atzean.

JxCat eta CUPeko hainbat diputatu ere elkarretaratzera batu dira, inbestidura saioa gaur egitea eskatzeko.

ERCko hainbat diputatu ere, tartean Sergi Sabria bozeramailea, bilkurara joan dira, manifestariei babesa adieraztera. Han elkartutako batzuk oihuka hartu dituzte buruzagi errepublikarrak, "atzerapausorik ez" eta "herriaren mandatua bete" bezalako esaldiekin.

Argazkia: EFE

Espetxean daudenen askatasuna aldarrikatzeko ikur bilakatu den lazo horia soinean eraman dute milaka manifestarik.

Protesta amaitutzat eman du ANCk

18:30 inguruan ANC elkarteak protesta amaitutzat eman du, eta manifestariei modu baketsuan alde egiteko eskatu die, txio baten bidez. "Subiranotasunaren aldeko mugimendua, beti, indarkeriaren kontrakoa izango da", esan du ANCk. "Gaur ez da osoko bilkurarik izango Parlamentuan, atzeratu egin dute. Etxera goaz", gaineratu du.

¿¿ HEM DESCONVOCAT AL PARLAMENT ¿¿

El moviment per la Independència és sempre no violent. Avui no hi haurà ple del Parlament, ha quedat ajornat. Ens n'anem cap a casa.

— Assemblea Nacional (@assemblea) 30 de enero de 2018

Atzerapena

Kataluniako Parlamentuko presidenteak iragarri duenez, Puigdemont presidentegaiaren "immunitatea" bermatzeko erabaki du saioa atzeratzea. Horren hitzetan, Junts per Catalunyaren zerrendaburuak hautagai izaten jarraitzen du, "presidente aukeratua izateko eskubide guztia" duelako. "Ez dut Puigdemont ez den beste hautagairik aurkeztuko", erantsi du.

Parlamentuko prentsa aretoan egindako aparteko agerraldi batean iragarri du Torrentek atzerapena (datarik gabe, oraingoz), inbestidura saioa baino bost ordu lehenago. "Ez dut saioa bertan behera utzi, atzeratu egin dut", zehaztu du.

Zatiketa

Torrenten erabakiak hautsak harrotu ditu Junts per Catalunya alderdiaren barruan, Puigdemonten alderdiak uste baitu badaudela "baldintza politikoak" bilkura gaur egiteko.

Salatu duenez, gainera, Torrentek ez die erabakia aldez aurretik jakinarazi: "Torrentek ez digu erabakiari buruz galdetu, ezta jakinarazi ere".

ERCk, ordea,  Parlamentuko presidentearen erabakia defendatu du. Oriol Junqueras alderdi errepublikanoko presidenteak txioa bota du kartzelatik Torrenti eskerrak emanez.

Carles Riera CUPek Kataluniako Parlamentuan duen bozeramaileak, berriz, gogor kriti