Politika
Katalunia
JxCAT alderdiak Puigdemontentzako boto delegatua eskatu du Parlamentuan
Agentziak | Erredakzioa
Puigdemontekin batera Bruselan dauden Clara Ponsati eta Lluis Puig diputatuentzako ere eskatu du boto delegatua.
-
Lazo horiak eserlekuetan, espetxean edo Bruselan dauden diputatuak oroitzeko. Argazkia: EFE
Junts per Catalunyak (JxCAT) ostegun honetan erregistratu du Kataluniako Parlamentuan Carles Puigdemontentzako boto delegatua.
Eskaera bera egin du Puigdemontekin batera Bruselan dauden Clara Ponsati eta Lluis Puig diputatuentzako ere.
Parlamentuko Mahaia atzo osatu zen. Espetxean dauden Joaquin Forn eta Jordi Sanchez diputatuek botoa eman ahal izan zuten, botoa delegatzeko eskaera aurretik egin zutelako eta Mahaiak eskaria onartu zuelako.
Puigdemontek, Ponsatik eta Puigek, berriz, ezin izan zuten bozkatu, Mahaia osatu bitartean botoa delegatzeko eskaria ez egitea erabaki zutelako.
