Omnium eta ANC, Gorenaren autoari buruz: 'Bete ditzagun hautetsontziak askatasunez'

Gorenak hala erabakita kartzelan jarraitu beharko dute Oriol Junquerasek, Joaquim Fornek eta bi 'Jordiek'. Erabaki horrengatik "amorrua" adierazi nahi izan du gaur Omnium Cultural elkarte subiranistak, eta haserre hori eraldatzeko deia egin die herritarrei: "Bete ditzagun hautetsontziak askatasunez abenduaren 21ean". ANCk auziaren kutsu politikoa nabarmendu du.

Marcel Mauri Omniumeko bozeramaileak Twitter bidez kritikatu du Pablo Llarena epailearen erabakia: "Bihur dezagun haserrea gizarte justu eta batua eraikitzeko energia, eta, batez ere, bete ditzagun hautetsontziak askatasun botoz". Preso politikoak etxera itzuli arte "atsedenik" ez dutela hartuko erantsi du Maurik.

Convertim la ràbia i la indignació en energia per seguir construint una societat justa i cohesionada i, sobretot, en vots que omplin les urnes de llibertat. Amic @jcuixart, @junqueras @jordisanchezp @quimforn no descansarem fins que torneu a casa.

— Marcel Mauri (@marcelmauri) 4 de diciembre de 2017

Agusti Alcoberro ANCko presidenteordeak ere Twitter erabili du bere mezua helarazteko. Horren hitzetan, "oso argi dago hau auzi politikoa dela".

¿ @AgustiAlcoberro que es mantingui aquesta situació ens provoca una gran indignació. #llibertat

— Assemblea Nacional (@assemblea) 4 de diciembre de 2017

Erabakiaren aurkako jarrera erakusteko bilkurak deitu dituzte Kataluniako udaletxe guztietan, 20:00etan.

Carles Puigdemont presidente eta JxCat alderdiko zerrendaburuak Bruselako instrukzio epailearen aurrean deklaratu behar izan du gaur, baina tartea hartu du Llarenaren autoa salatzeko. Izan ere, alderdiak kaleratutako mezu bat bertxiokatu du. Txioan preso politikoen askatasuna aldarrikatu eta "etxera bueltatu arte lanean" jarraituko dutela azpimarratu dute.

¿ Llibertat, presos polítics!

¿¿Treballarem incansablement fins que tots torneu a casa!#JuntsXCat pic.twitter.com/tr5pfoMZgv

— Junts per Catalunya ¿ (@JuntsXCat) 4 de diciembre de 2017

ERCk ere Twitterren bota du bere iritzia: "Espainiako Estatuak injustizia berri bat egin du. Oriol Junqueras, Joaquim Forn, Jordi Cuixart eta Jordi Sanchez, etxean nahi zaituztegu, libre nahi zaituztegu".

L'Estat espanyol comet una nova injustícia. Oriol @junqueras, @quimforn, @jcuixart i @jordisanchezp, US VOLEM A CASA. US VOLEM LLIURES¿ #LlibertatPresosPolítics

Bentornats, @raulromeva, @dolorsbassac, @CarlesMundo, @jorditurull, @txellborras i @joseprull

— Esquerra Republicana (@Esquerra_ERC) 4 de diciembre de 2017

Oso bestelakoa izan da Albert Rivera Ciudadanos alderdiko presidentearen balorazioa. Riverak adierazi duenez, bere alderdiak "errespetatu" egiten ditu "beti" epaileen erabakiak, ez alderdi independentisten moduan: "Guk ez ditugu epaileak presionatzen, ez dugu Kataluniako Auzitegi Nagusia inguratzen eta ez ditugu fiskalak estutzen".

Riveraren esanetan, batzuek "demokraziari kolpea eman nahi izan diote, eta justiziak independentziaz erantzun behar du, interes politikoak gorabehera".

Antzeko adierazpenak egin ditu Ines Arrimadas Ciudadanosen zerrendaburuak. Horren ustez, "epaileek esku hartze politiko barik egin behar dute lan".

Miquel Iceta PSCko buruaren ustez, aldiz, "albiste txarra" da Junqueras, Forn, Sanchez eta Cuixart kartzelan mantentzea. Icetak esan du bera beti egon dela buruzagi independentistak badaezpadako kartzelaldian edukitzearen kontra.

Llarenaren erabakiaren kontra mintzatu da Xavier Domenech CatECP alderdiaren Presidentetzarako hautagaia. "Ez da batere bidezkoa badaezpadako espetxeratze horiei eustea, ez zituzten inoiz kartzelan sartu behar", deitoratu du Twitterren botatako mezu batean.

Absolutament injust mantenir uns empresonaments provisionals que no s'haurien d'haver produït mai.

— Xavier Domènech (@XavierDomenechs) 4 de diciembre de 2017

Xavier Garcia Albiol PPCko presidenteak ontzat hartu du Gorenaren erabakia. Horren hitzetan, "erabakiak agerian utzi du Konstituzioa ez dela luza tenkatu daitekeen txikle bat". Junquerasek epaileari esandakoari erreferentzia egin dio, horrenbestez, buruzagi 'popularrak'. Presidenteorde kargugabetuak Llarenaren aurrean adierazi ei zuenez, "Konstituzioa nahikoa malgua da Kataluniaren subiranotasuna baimentzeko".

Con la decisión del magistrado del Tribunal Supremo se demuestra que la Constitución española no es un chicle que se estira hasta permitir la independencia como afirmó @junqueras.

— Xavier García Albiol (@Albiol_XG) 4 de diciembre de 2017

CUPek ere Twitter erabili du Llarenaren erabakia kritikatzeko. "Ezein isunek, ezein bermek, bidezkoa ez den ezein auzik eta ezein errepresio sistemak ezin du duintasuna geldiarazi. Preso politiko guztiak aske, baldintzarik gabe", aldarrikatu dute txio batean.

¿Cap multa. Cap fiança.Cap procediment legal injust. Cap sistema repressiu pot aturar la dignitat. #LlibertatPresosPolítics sense condicions.

— CUP Països Catalans (@cupnacional) 4 de diciembre de 2017