'Eskubideen urraketa' salatu eta gaixo larri dauden presoak askatzea eskatu du Sarek

Sare herritarra plataformako bozeramaileak, Joseba Azkarragak, "gaixo larri dauden presoen askatasuna eskatzea ez dela amore ematea" azaldu du. Basaurin larunbat goizean antolatutako ekitaldian egin ditu adierazpenok, kartzelatik osasun-etxera egindako giza-katea amaitutakoan.

Aldi berean, Espainiako Espetxe Zuzendaritza kritikatu du, gaixo larri dauden presoek "bi hilabeteko bizi-itxaropena baino ez dutela egiaztatzen denean soilik aske uztea" defendatzen duelako.

Joseba Azkarraga presoen aldeko plataformako bozeramaileak "gorrotoan eta mendekuan oinarritutako espetxe-politika jasangaitza" ezartzea leporatu dio Espainiako Gobernuari. Horrez gain, epaitegiei egotzi die "legedia ez betetzea" babestea.

Ibon Iparragirre presoaren kasua "zigor eta mendeku" politika horren "adibide garbia" dela azpimarratu du Sareko bozeramaileak.