Mossoek Parlamenturako sarbidea itxi dute, segurtasun neurrien artean

Esquadra Mossoek gaur, asteartea, goizean baieztatu duenez, "segurtasun neurriak direla eta", Bartzelonako Ciutadellako parkea (Kataluniako Parlamentua bertan dago) herritarrentzat itxita egongo da egun osoan.

Carles Puigdemont Generalitateko presidenteak agerraldia egingo du 18:00etan, berak eskatuta, U-1eko erreferendumaren emaitzak jakinarazteko, eta baliteke Kataluniaren independentzia aldarrikatzea.

Gaur, goizean goiz, Mossoek ibilgailuak jarri dituzte parkerako sarrera guztietan, baita Parlamentuko eraikinaren ondoan ere.

Per motius de seguretat el Parc de la Ciutadella estarà tancat al públic durant tot el dia d'avui

— Mossos (@mossos) 10 de octubre de 2017

Gainera, Mossoek jakinarazi dutenez, egoitzan segurtasuna bermatzeko helburuarekin itxi dute parkea, eta igandeko manifestazioan gertatutakoa gogorarazi dute: pertsona talde batek Ciutadellako parkearen ate bat apurtu zuen, eta Parlamentura abiatu zen, erasokor.

Parlamentuaren eraikinera heldu zirenean, arrautzak eta beste hainbat gauza jaurti zituzten eraikinaren aurrealdearen kontra, Mossoek egoitza inguratzen zuten bitartean, taldeak aurrera egin ez zezan.