PSOE
Gorde
Kendu nire zerrendatik

Eduardo Madinak Kongresuan duen eserlekua utzi du

"Jardun politikoarekin inongo zerikusirik ez duen aro profesional berri bati ekiteko" utzi du kargua.
Eduardo Madina efe
Madina, artxiboko argazki batean. EFE

Eduardo Madina PSOEko diputatuak Kongresuan duen eserlekua utzi du, "aro profesional berri bati ekiteko". Irailetik aurrera izango duen egiteko berri horrek "ez du jardun politiko edo instituzionalarekin inongo harremanik", zehaztu duenez.

Erabakia gaur jakinarazi dio Madinak berak Margarita Robles PSOEk Kongresuan duen bozeramaileari, eta PSOEk Kongresuan duen taldeak Twitterren kaleratu du haren gutuna:

 

 

Mezuan, "zorterik onena" opatu die Pedro Sanchezi eta PSOEri, "gure herriaren garapenean ezinbesteko den alderdiari". Bertan nabarmendu duenez, alderdiak behar duen guztian "laguntzeko prest" egongo da beti. Izan ere, Madinaren arabera, "sozialisten balioek eta printzipioek nireak izaten jarraituko dute, eta nire bizitza gidatzen jarraituko dute, beti egin duten moduan".

2014ko barne hauteskundeetan, Pedro Sanchez sozialisten egungo buruzagiarekin lehiatu zen bizkaitarra, eta Susana Diazen alde lerratu da 2017koetan. Jose Luis Rodriguez Zapatero presidente zenean, Talde Sozialistako idazkari nagusi izan zen Madina.

PSOEri, eskerrak

Gaur zabaldutako oharrean, Madinak eskerrak eman dizkie alderdiari eta berarengan konfiantza izan zuten herritarrei, gizartearen zati bat ordezkatzea "ohorerik handiena" izan delako.

"Era berean, Talde Sozialistako kideekin hainbeste denboraz lan egiteak giza kalitate, talentu eta gaitasun erakustaldi nahikoa utzi dizkit, eta horiei esker dakit pribilegiatua naizela hain talde aparteko kide izan naizelako. Guztiei, eskerrik asko guztiagatik", idatzi du Madinak.

Albiste gehiago politika

Gontzal Tamayo viceconsejero Salud Osakidetza
18:00 - 20:00
ZUZENEAN
Duela  min.

Gontzal Tamayo Osasun sailburuordeak sistema digitalizatzea jarri du erronka nagusi gisa

Gontzal Tamayo Transformazio Digitaleko eta Emaitzetako sailburuordeak Osasun Sailaren eta Osakidetzaren berrantolaketa izan du hizpide, Radio Euskadin egin dioten elkarrizketan. Azaldu duenez, erronka nagusia sistema digitalizatzea da: alde batetik, datuak eta emaitzak hobeto aztertu ahal izateko, eta, modu horretan gaixoari tratamendu indibidualizatua emateko; bestetik, inteligentzia artifiziala erabiliz, medikuei karga burokratikoa kentzeko, gaixoekin egoteko denbora gehiago izan dezaten. (Jatorrizkoa, gaztelaniaz).

BILBAO, 28/07/2025.-El presidente del PNV, Aitor Esteban (i), y el lehendakari, Imanol Pradales, entre otros, han participado este lunes en Bilbao en el acto de conmemoración del 130 aniversario de la fundación del partido, junto a la estatua en homenaje a Sabino Arana. EFE/ Miguel Toña
18:00 - 20:00
ZUZENEAN
Duela  min.

Aitor Estebanek Ertzaintzaren izaera demokratikoa zalantzan jarri izana aurpegiratu dio EH Bilduri

Aitor Esteban EBBko presidenteak EAJren sorreraren 130. urteurrena ospatzeko ekitaldian parte hartu du. "Ertzaintza da gure erakunderik preziatuenetako bat", adierazi du ekitaldian. "Barregarria da kale borrokako asaldatzaile horiek autoritarismoaz eta iraganeko logikaz hitz egiten entzutea", erantsi du. "Nortzuk eta horiek izango dira guri demokrazia eta tolerantzia lezioak emango dizkigutenak, bai zera!", azpimarratu du.

Gehiago kargatu