Maria Jesus Mier Generalitateko Hezkuntza idazkariak dimisioa eman du

Maria Jesus Mier Generalitateko Hezkuntza idazkariak dimisioa eman zuen atzo, eta Lluis Baulenasek, orain arte Zentro Publikoetako zuzendari orokorra zena, ordezkatuko du.

Urriaren 1eko erreferendumari begira, Carles Puigdemont Generalitateko presidenteak aldaketak egin ditu Kataluniako Gobernuan, eta, besteak beste, Meritxell Ruiz Hezkuntza kontseilari zena kargutik kendu zuen aurreko astean. Clara Ponsati da Hezkuntza kontseilari ordutik.

Hezkuntza departamentuko iturriek adierazi dutenez, Hezkuntzako bigarrena zenak Meritxell Ruiz kontseilari ohiarekin zuen konfiantzaren baitan kokatu behar da dimisioa.

Dagoeneko sei dira, gutxienez, kargua utzi duten Generalitateko goi-kargudunak: Neus Munte (Presidentzia eta bozeramailea), Jordi Jane (Barne kontseilaria), Meritxell Ruiz (Hezkuntza kontseilaria) eta Jordi Baiget (Enpresa kontseilaria), Albert Battle (Esquadra Mossoen zuzendaria) eta Maria Jesus Mier (Hezkuntzako bigarrena).