Memoria eta Bizikidetza lantaldeak biktimak izango ditu hizpide

Euskadin Memoria eta Bizikidetza lantzeko ponentziaren lehen bilera egin dute asteazken honetan. Eusko Legebiltzarrean ordezkatuta dauden alderdi guztiek, PPk izan ezik, urtarrilean erabaki zuten lantaldea sortzea. Hurrengo bileretan biktimak izango dituzte hizpide, eta gai horrekin amaitutakoan, hiru arlotan sailkatu dituzten beste batzuk aztertuko dituzte: memoria, espetxe politika eta bizikidetza, eta giza eskubideak.

Ana Oregi EAJko legebiltzarkideak gogora ekarri duenez, aurretik egindako bileretan lan metodologia ezarri dute, eta Memoria eta Bizikidetza lantaldeak gaur egin du lehen bilera.

Alderdi politiko guztiek adostasun zabala lortu dute aztertuko duten lehen gai orokorra zein izango den erabakitzeko orduan. Gai horrekin amaitzen dutenean, hiru arlotan sailkatu dituzten beste batzuk aztertuko dituzte.

Hori dela eta, gai bakoitza banaka aztertuko dute, eta, ondorioz, arlo bakoitza aztertzen amaitu arte ez diote beste gai bati hasiera emango.

Oraingoz ez dute zehaztu gehienez zenbat denbora eskainiko dioten gai bakoitzari, baina, Oregik azaldu duenez, lantaldeak ez ditu epeak luzatuko horretarako beharrik ez badago. Halaber, beste gai batzuetan bete ezin diren datak ezin direla aurretik zehaztu azaldu du.