Lander Martinez, Elkarrekin Podemosen bozeramailea Legebiltzarrean

Podemos Euskadiren Herritar Kontseiluak adostuta, Lander Martinez izango da Elkarrekin Podemosen bozeramailea Legebiltzarrean; Pili Zabala lehendakarigaia, berriz, taldeko presidentea eta bozeramailearen ondokoa izango da.

Podemos Euskadi Ezker Anitzarekin eta Equorekin harremanetan jarriko da, izendapenak berresteko, hiru alderdiek osatzen baitute Elkarrekin Podemos koalizioa.

Herritar Kontseiluak atzo egin zuen bilera Donostian. Lander Martinez Podemos Euskadiko Antolakuntza idazkariaren hautagaitzak 22 boto jaso zituen, hiruk aurka bozkatu zuten eta bi abstentzioa izan ziren.

Batzarrean, Nagua Alba Podemos Euskadiren idazkari nagusiak esan zuen hauteskundeetan lortutako 11 legebiltzarkideek “oinarri sendoa” osatzen dutela “lanean jarraitzeko”.

“Oposizio aktiboa egingo dugu eta hori ezinbestekoa izango da Legebiltzarra aktibatzeko,  gizarte politiketan akordio zabalak lortzeko eta demokrazian aurrera egiteko”, erantsi zuen.