Inbestiduraren datak PSOEri presio egitea duela helburu dio oposizioak

PSOEren esanetan, inbestidura saioa abuztuaren 30ean kokatu izanak “asko esaten du Mariano Rajoyri buruz”. Gainera, PPk data hori jarri badu, “eskuinen babesa” izango duela pentsatzen dute sozialistek.

Bestalde, Podemosek, PDCk (CDC ohia), IUk eta ERCk uste dute inbestidura datak PSOEri presio egitea duela helburua, hirugarren hauteskundeak abenduaren 25ean izango liratekeelako.

“Susana Diazek, Javier Lambanek eta Felipe Gonzalezek esango dute PSOEk ezin diela Gabonak urratu espainiarrei”, adierazi du Pablo Echenique Podemoseko Antolakuntza idazkariak, Twiterren.

Sale Susana Díaz junto a Lambán y González diciendo que el PSOE no puede ser culpable de estropear la Navidad a los españoles en 3, 2, 1...

— Pablo Echenique (@pnique) 18 de agosto de 2016

Alberto Garzon IUko koordinatzaile nagusiak dio dataren aukeraketa “poker jokaldi bat” izan dela, eta horrela politikagintza “suntsitzen” ari direla.

La fecha elegida por el PP es una nueva jugada en este póker con el que destrozan la política. Las elecciones serían el 25 de diciembre.

— Alberto Garzón (@agarzon) 18 de agosto de 2016

Frances Homs CDCko bozeramaileak nabarmendu du dataren helburua PSOEri presio egitea dela, sozialistak abstenitu daitezen. “Eutsiko al diote?”, galdetu du.

Convicció q la data investidura està posada x pressionar més a @sanchezcastejon Aguantarà? Sempre ha dit q sí, en públic i en privat. Veurem

— Francesc Homs (@franceschoms) 18 de agosto de 2016

Joan Tarda ERCko eledunaren esanetan, Espainiako jarduneko Gobernua “herritarren interesen aurka” egiten ari da.

Marian Beitialarrangoitia EH Bilduko diputatuak berretsi du “ezetza” emango diotela Rajoyri, “bere politikak atzerakoiak, antisozialak eta ukatzaileak direla eta”.

Inbesdura saioa abuztuaren 30ean jarri dute. EH Bilduk Rajoyiri EZ esango dio, bere politikak atzerakoiak, antisozialak, ukatzaileak direla

— Marian (@marianbeitia) 18 de agosto de 2016

Aitzitik, Xavier Garcia Albiol Kataluniako PPko buruak espainiarrei Gabonak urratuko al dien galdetu dio PSOEri.

El 30 debate investidura. A ver si @sanchezcastejon tiene "narices" d enviar a 36.000.000 d españoles a repetir elecciones el día d Navidad

— Xavier García Albiol (@Albiol_XG) 18 de agosto de 2016