Jaurlaritzak espetxe onurak azaldu dizkie ETAko presoei gutun bidez

Eusko Jaurlaritzak "informazio" gutun bat helarazi die ETAko presoei, legediak aurreikusten dituen espetxe onurak nola eskuratu azaltzeko.

ETArekin lotutako delituengatik zigorra betetzen ari diren preso guztiei, banaka, helarazi diete gutuna, eta bertan azaltzen dute nola igaro daitekeen lehenengo gradutik bigarrenera, eta bigarrenetik hirugarrenera, Eusko Jaurlaritzako iturriek jakitera eman dutenez.

Eusko Jaurlaritzaren Bake eta Bizikidetza Idazkaritzak, Jonan Fernandez buru duenak, bidali zituen gutunak apirilean, eta "informatzea" zen helburua, legediak graduz aldatzeko ematen dituen aukerak ezagutu ditzaten.

Izan ere, Eusko Jaurlaritzak aspalditik defendatu du presoek espetxe onurak jasotzeko duten eskubidea, eta horren aldeko apustua.