Jordi Pujol eta haren emaztea auzipetu dituzte, dirua zuritzeagatik

Jose de la Mata Auzitegi Nazionaleko epaileak Jordi Pujol Kataluniako presidente ohia eta haren emaztea, Marta Ferrusola, auzipetu ditu, dirua zuritzea egotzita. Otsailaren 10ean deklaratu beharko dute biek. Biharamunean, berriz, Jordi Pujol Ferrusolak deklaratuko du.

Bartzelonako Auzitegiko 31. instrukzio epaitegiak kasua ikertzeko eskumenik ez zuela erabaki ostean, De la Mata epailearen esku geratu zen auzia. Jordi Pujol, Marta Ferrusola eta haien zazpi semeetatik lau (Jordi, Marta, Mireia eta Pere) daude kasu horretan inputatuta.

Bestalde, aipatzekoa da Jordi Pujol Ferrusolak berak eskatu duela epailearen aurrean deklaratzea. UPyD da akusazioa eta espetxean sartzea edo bestelako kautelazko neurririk hartzea erabaki behar du epaileak, hala nola, pasaportea kentzea.