Euskadi errefuxiatuekin 'solidarioa' izango dela aitortu du Urkulluk

Iñigo Urkullu lehendakariak adierazi du Euskal Autonomi Erkidegoa "solidarioa" izango dela Siriako moduko gatazketatik ihesi dagoen jendearekin. "Etxera bueltatu nahi dute, bere garaian Jose Antonio Agirrek eta milaka euskal biztanlek legez", azaldu du.

"Euskadik, erronka horretan, egin beharrekoa egingo du", ziurtatu du. Mondragon Unibertsitateko 2015-16 ikasturtearen hasieran izan da lehendakari eta unibertsitatearen izaera "berritzailea" goraipatu du.

Europak bizi duen krisialdi humanitarioa aipatu du. Milaka lagun errefuxiatuta daude, esan duenez, bere garaian Jose Antonio Agirre lehez. "Askatasunaren, demokraziaren, eta giza eskubideen alde" lan egin zuen, baina "Euskaditik kanpo babesa eskatzera behartu zuten, gerraren ondorioz". Euskal biztanleei "harrera egin zieten eta laguntza eman zieten".

"Gaur Euskadi solidarioa izango da bere garaian beste batzuk Euskadirekin solidarioak izan ziren legez", gaineratu du. "Euskadik, erronka horretan, egin beharrekoa egingo du".