Estatuaren 'mendeku egarria' salatu du Barrenak atxiloketen ondoren

Estatuaren “mendeku egarria” salatu du gaur Pernando Barrena Sortuko buruzagiak, Guardia Zibilak Batasuna, EHAK eta EAE-ANVren aurka gaur hasi behar zuen epaiketako zenbait abokatu atxilotu ondoren.

Euskadi Irratian azaldu duenez, auzipetuak eta abokatuak zeuden hotelean bertan egin ditu Guardia Zibilak atxiloketak. Epaiketa hasteko ordubete falta zenean, Guardia Zibila hotelean sartu da eta hiru abokatu atxilotu ditu.

“Txundituta gaude, epaiketa honen baldintzak kafkiarrak dira”, gaineratu du. “Bazekiten pertsona horiek non aurkitu, Auzitegi Nazionalean egon behar zuten gaur goizean. Beraz, nahikoa litzateke zitazio bat bidaltzearekin, beharrezkoa baldin bazen”, Barrenaren hitzetan.

Sortuko buruzagiak nabarmendu duenez, atxilotuetako bat, Amaia Izko, “Parot dotrina bertan behera utzi duenetako bat da”.