Kataluniako Gobernuak azaroren 9rako boluntarioen erdiak lortu ditu

Dagoeneko 11.696 pertsonak izena eman dute azaroaren 9ko Kataluniako kontsulta alternatiboan boluntario gisa lan egiteko, Kataluniako Gobernuak emandako datuen arabera.

Izena emateko epea zabalik dago ostiraleko 14:00ak geroztik, eta horretarako "participa2014.cat" webgunean sartu behar da. Beraz, 24 orduan azaroaren 9ko "parte-hartze prozesua" gauzatzeko behar dituen 20.000 boluntarioen erdiak lortu ditu Kataluniako Gobernuak.

Boluntario izateko hainbat baldintza bete behar dira: 16 urtetik gorakoa izatea, gutxieneko ikasketak izatea (eskola graduatua edo parekoak) eskuko telefono bat izatea eta telefonoa azaroaren 9an, gauerdira arte, telefonoa modu operatiboan izatea.

Junqueras eta ERCko hainbat kide boluntario izango dira

Oriol Junqueras ERCko burua, Marta Rovira ERCko idazkari nagusia, Josep Maria Terricabras ERCko europarlamentaria, Joan Tarda ERCko diputatua, eta alderdi errepublikarreko hainbat kidek boluntario gisa jarduteko izena eman dute.